Video
Read full review
2009-04-15
5 views
之前在深圳食過毛家飯店的四川菜, 麻辣菜式令我食上癮. 及後睇雜誌介紹呢間聯記川王小店四川食品, 就好想去試下. 上星期日要去紅磡朋友家, 就順道買左2樣食品黎試下. 麻辣牛脷涼粉(小辣) - 牛脷好好食, 涼粉就比較"淋", 少左煙韌嘅感覺...好似毛家飯店的好食d. 叫左小辣, 不過越食越辣, 最後朋友都投晒降, 得我一個食晒佢! 蒜泥白肉(小辣) - 嘩!! 我未食過咁好味的蒜泥白肉!! 白肉正, 個醬汁勁好味, 連埋墊底的青瓜包住一齊食, 好回味呀~因為太好食嘅關係, 我買左去朋友屋企一齊食完之後, 走o固陣再去買多一盒回家自己食. (極度推介!!)一定會再幫襯. 下次希望搵到d食得辣嘅朋友, 再試多幾樣唔同嘅餸. (不過一定只係可以叫小辣)講下食物以前外嘅野....環境 - 呢間擺明就係街邊小食店, 唔可以要求佢有VIP房! 我覺得店外的環境都唔算太差, 又離開馬路有d距離, 未至於食晒塵. 地下都唔見有垃圾及污水, 係可以接受的街邊檔.服務 - 可能我之前睇飲食雜誌介紹過老細, 知佢係唔多出聲的人, 所以當日我買野時, 佢對我一句起兩句止, 我都唔覺得佢係"串"或者"無
上星期日要去紅磡朋友家, 就順道買左2樣食品黎試下.
麻辣牛脷涼粉(小辣) - 牛脷好好食, 涼粉就比較"淋", 少左煙韌嘅感覺...好似毛家飯店的好食d. 叫左小辣, 不過越食越辣, 最後朋友都投晒降, 得我一個食晒佢!
蒜泥白肉(小辣) - 嘩!! 我未食過咁好味的蒜泥白肉!! 白肉正, 個醬汁勁好味, 連埋墊底的青瓜包住一齊食, 好回味呀~
因為太好食嘅關係, 我買左去朋友屋企一齊食完之後, 走o固陣再去買多一盒回家自己食. (極度推介!!)
一定會再幫襯. 下次希望搵到d食得辣嘅朋友, 再試多幾樣唔同嘅餸. (不過一定只係可以叫小辣)
講下食物以前外嘅野....
環境 - 呢間擺明就係街邊小食店, 唔可以要求佢有VIP房! 我覺得店外的環境都唔算太差, 又離開馬路有d距離, 未至於食晒塵. 地下都唔見有垃圾及污水, 係可以接受的街邊檔.
服務 - 可能我之前睇飲食雜誌介紹過老細, 知佢係唔多出聲的人, 所以當日我買野時, 佢對我一句起兩句止, 我都唔覺得佢係"串"或者"無禮貌". 第二轉再去買蒜泥白肉時, 老細仲同我講"唔該"添!
價錢 - 蒜泥白肉$40, 麻辣牛脷涼粉$19 (白肉唔算平, 不過好大盒, 加上好食就乜都抵番晒!)
Post