Baan Phadthai (Closed)

坑口新開左間食泰國菜既餐廳,想試新野既我,約左朋友過來食😍藍色既門口設計好搶眼,店內擺放左D植物同藤做既燈罩和屏風等, 營造出度假既氛圍,加上座位闊落,感覺好舒服!無骨海南雞飯雞肉好嫩滑唔鞋口,加上無骨,真係啖啖肉,有3種醬汁可以點,豉油比較結身,味道濃郁,薑蓉磨得好幼細,好香薑蓉味,同埋自家製泰式辣醬,辣辣地好惹味,無論點邊款醬汁都咁好食,而油飯好香,食落唔會有油膩感,飯粒粒分明好好食!另外仲有冬瓜湯,有D冬瓜粒,個湯飲落好清甜!燒豬頸肉炒金邊粉豬頸肉燒得岩岩好,食到好香炭燒味,食落好爽口,份量仲好多,而金邊粉就炒得好乾身,唔會好油膩,味道甜甜地,煙煙韌韌幾好食,仲有芽菜,雞蛋,豆腐,洋蔥,菜脯粒,再撈埋花生碎,辣椒粉同擠少少青檸汁,一齊食好惹味炸蝦餅蝦餅脹卜卜,炸到金黃色熱辣辣,咬落好香脆,蝦肉好彈牙,加埋酸辣醬食好好味芒果糯米飯芒果份量好多仲好甜,糯米飯煙煙韌韌,加埋斑蘭味特別好食,仲加左D脆米粒,再加椰汁食,好味又有口感!椰青椰青水多到就快滿瀉,飲落好清甜,仲可以挖椰子肉食,椰子肉好易挖,食左好多好飽!