Video
Read full review
2019-06-01
52 views
車仔麵係香港一個特色美食，餸菜夠多選擇價錢又夠平民化，但要搵好味既車仔麵實在唔容易，店家需要係湯底、麵條同餸菜都下功夫，今次介紹既呢間車仔麵就成功係湯底同餸菜方面帶到驚喜俾👦🏻👧🏻。👧🏻就叫左咖哩湯底既米線加咖哩魷魚、秘製牛孖筋、蠔油小花菇同溏心蛋，👦🏻就叫左番茄湯底既米粉加蘿蔔、回味豬大腸、自製鮮竹卷同脆味豚爽肉，另外再加左三隻油炸鬼雞翼同瑞士花香雞翼😆講下個湯底先，咖哩湯底比👧🏻想像中辣左少少，唔知係咪因爲加埋咖哩魷魚所以更加辣，不過試飲左幾嗒都無頸渴既感覺，最正係唔會得咖哩既色而無香味同辣味，而番茄湯亦係好吸引，濃郁既湯底入面夾雜住番茄既酸甜味，如果配料係吸湯既餸菜一定好正😋每一款餸既份量都唔少，而最令👦🏻👧🏻有深刻印象既就係咖哩魷魚、溏心蛋、蘿蔔、豚爽肉同兩款雞翼，首先魷魚既咖哩味好香濃，每一塊魷魚既size都好大但唔會難咬開，而溏心蛋就係原粒上既，咬開中間啲蛋黃即刻流出黎🤤蘿蔔無渣同埋好清甜，豚爽肉👦🏻👧🏻超級推介各位朋友仔試下，豬肉厚身但非常爽口，薄薄一層既炸漿令豚爽肉有多一種脆卜卜既口感，油炸鬼雞翼係雞翼出面包左一層脆漿，成隻雞翼脹卜卜，咬開入面仍然好多汁，最後瑞士花香雞
👧🏻就叫左咖哩湯底既米線加咖哩魷魚、秘製牛孖筋、蠔油小花菇同溏心蛋，👦🏻就叫左番茄湯底既米粉加蘿蔔、回味豬大腸、自製鮮竹卷同脆味豚爽肉，另外再加左三隻油炸鬼雞翼同瑞士花香雞翼😆
講下個湯底先，咖哩湯底比👧🏻想像中辣左少少，唔知係咪因爲加埋咖哩魷魚所以更加辣，不過試飲左幾嗒都無頸渴既感覺，最正係唔會得咖哩既色而無香味同辣味，而番茄湯亦係好吸引，濃郁既湯底入面夾雜住番茄既酸甜味，如果配料係吸湯既餸菜一定好正😋
每一款餸既份量都唔少，而最令👦🏻👧🏻有深刻印象既就係咖哩魷魚、溏心蛋、蘿蔔、豚爽肉同兩款雞翼，首先魷魚既咖哩味好香濃，每一塊魷魚既size都好大但唔會難咬開，而溏心蛋就係原粒上既，咬開中間啲蛋黃即刻流出黎🤤蘿蔔無渣同埋好清甜，豚爽肉👦🏻👧🏻超級推介各位朋友仔試下，豬肉厚身但非常爽口，薄薄一層既炸漿令豚爽肉有多一種脆卜卜既口感，油炸鬼雞翼係雞翼出面包左一層脆漿，成隻雞翼脹卜卜，咬開入面仍然好多汁，最後瑞士花香雞翼就係將桂花糖加落瑞士雞翼到，兩個味道好夾，桂花既香甜同瑞士汁既甜味配合得到，又可以減輕豉油既鹹味。
每次都會透過以下6大方面評分(滿分:30分)
味道 : 4.5 / 5
環境 : 4 / 5
外觀 : 4.25 / 5
價錢 : 3.75 / 5
服務 : 4 / 5
回頭率 : 4.5 / 5
總分 : 25 / 30
性價比
估唔到食個車仔麵可以坐得咁舒服，而且食物質素高有別於一般傳統既車仔麵，餸菜、麵條同湯底都有得自己選擇，👦🏻👧🏻估唔到會食到一間咁想再幫襯既車仔麵。
Post