Video
Read full review
2018-03-13
522 views
一提起香港僅餘嘅合法大排檔，就會諗起勝香園，佢仲保留住香港六、七十年代嘅餐廳特色，冇華麗嘅外觀，冇安全嘅瓦遮頭，冇花肖嘅餐單，有嘅只係一份懷舊，細細地嘅煮食爐，幾張簷縫下嘅摺枱，一張簡單嘅餐單，咁就撐起一個鋪頭同一個家。一講起勝香園，就一定要食佢嘅皇牌──蕃茄湯。今次叫咗蕃茄鮮牛肉蛋通粉($33)，食蕃茄湯最好配通粉，咁就可以一路食通粉一路飲個湯。依到嘅蕃茄湯一上黎就熱辣辣而且香噴噴，鮮紅色酸酸甜甜嘅蕃茄好吸引到食客嘅胃口，有別於只係落蕃茄粉嘅湯底，佢嘅蕃茄湯食得出係用新鮮蕃茄煮出黎，特別濃郁，啖啖都係蕃茄味。仲叫咗兩款脆脆同朋友share，牛油檸檬汁蜜糖脆脆($18)甜甜地，混醬脆脆($19)係混牛油、煉奶、果占、花生醬，值得一讚嘅係啲脆脆真係名符其實，好香脆，就黎有入口即溶嘅感覺。無論係幾時黎食，人流都係好旺，而且好受旅客歡迎，只要等10-15分鐘就有位。有啲人會覺得大排檔唔衛生，不過見佢經營咗咁多年都屹立不倒，就知係有保證嘅餐廳！
一講起勝香園，就一定要食佢嘅皇牌──蕃茄湯。今次叫咗蕃茄鮮牛肉蛋通粉($33)，食蕃茄湯最好配通粉，咁就可以一路食通粉一路飲個湯。依到嘅蕃茄湯一上黎就熱辣辣而且香噴噴，鮮紅色酸酸甜甜嘅蕃茄好吸引到食客嘅胃口，有別於只係落蕃茄粉嘅湯底，佢嘅蕃茄湯食得出係用新鮮蕃茄煮出黎，特別濃郁，啖啖都係蕃茄味。
蕃茄鮮牛肉蛋通粉
$33
79 views
0 likes
0 comments
仲叫咗兩款脆脆同朋友share，牛油檸檬汁蜜糖脆脆($18)甜甜地，混醬脆脆($19)係混牛油、煉奶、果占、花生醬，值得一讚嘅係啲脆脆真係名符其實，好香脆，就黎有入口即溶嘅感覺。
脆脆
$18
57 views
0 likes
0 comments
無論係幾時黎食，人流都係好旺，而且好受旅客歡迎，只要等10-15分鐘就有位。有啲人會覺得大排檔唔衛生，不過見佢經營咗咁多年都屹立不倒，就知係有保證嘅餐廳！
Post
