Assaggio Trattoria Italiana (Closed)

美麗華集團旗下有十幾間餐廳，自己都去過很多間，之前去過灣仔Assaggio Trattoria Italiana用膳，尋日相約幾位美女到尖沙咀店午膳及談公事，真是不得了，是日午餐供素菜意粉、每日精選意粉、自由配搭薄餅、燒牛扒、煎海鲷，包飲品價錢由$68至$108不等，另可加錢要前菜buffet、甜品、其他飲品，不錯。廚房是開放式的，都是大勢所趨，可令大家見到廚房內廚師一舉一動，另外餐廳枱位置都夠寬敞。我哋點咗由經理推介嘅一客自選薄餅、兩客燒牛扒、一客煎海鯛，主菜未到之前，侍應奉上幾款不同嘅熱辣辣麵包，搽上牛油，好好食。大家建議一齊食，首先薄餅出場，餅身夠薄夠脆，芝士同火腿好足料，熱辣辣，好好食。之後兩客燒牛扒，半生熟，廚師已細心地將牛扒分成一片片，很容易放入口食，牛扒外面燒得夠焦但又不會過燶，內裏肉質很嫩，正！最後是煎海鯛，外皮煎得金黃色同好香口，魚肉很滑。另外幾款甜品都不錯，因我不是太好甜品，所以只淺嚐。