Burgerman (埃華街)

Open Now

Now Closed

Burgerman係一間黃色人氣漢堡小店，雖然我食野不嬲冇理顏色，不過見佢咁多人幫趁，所以都黎試下。Burgerman面表比較細，堂食座位唔多，不過反正我都係外賣，所以都冇關係。哩度除左Burger，都有沙律、小食同意粉提供，不過就只有Burger先可以加$20轉套餐，套餐包埋罐裝汽水同沙律/薯條/薯格三揀一。丹麥藍芝士漢堡($68, 轉套餐加$20) - 漢堡包唔算好大個，不過中間塊牛肉都幾厚身，目測有1.5cm，牛肉上面有藍芝士，另外仲有煙肉、番茄同生菜。薯格份量比想像中多，口感好香脆，就算外賣隔左幾個字先開餐脆度都影響不大。麵包明顯有烘過，牛肉就比較乾身同淡味，好彩我另外加$8加左菠蘿，有返啲汁食落冇咁乾，藍芝士嘅咸味好突出，彌補返冇乜味嘅牛肉。總結，以$88一個漢堡套餐黎講定價算正路，相比起主角漢堡包，我覺得薯格更加吸引。由於牛肉較為乾身，我會建議另加菠蘿或牛油果哩類比較濕潤嘅配料會更好食。