燚館特色粉麵 (Closed)

知道大埔墟開咗一間新嘅特色粉麵店，而且每次經過都見到粉紅色招牌好當眼，今晚有機會喺度食晚餐。餐廳環境簡潔乾淨，我哋就坐門口的四人枱，枱上的餐牌圖文並茂，每一款食物都好想試。最後我就揀選了藥膳雞湯米粉，而且只需要加$10就可以轉雞髀部位，飲一啖湯底很濃郁的藥膳味道，啖啖滋補養顏，配料仲有蟲草花、冬菇等，米粉索晒湯底嘅精華味道，而且雞髀肉質鮮嫩，很滑溜呢！餐飲我就揀咗杯特飲熱菊花薑蜜滋潤一下喉嚨，味道很濃郁。還點了一份小食炸燒賣，燒賣炸得香脆可口，配以泰式辣醬更加滋味。還有生菜可以清一清腸胃。總括而言食物質素高，難怪全場爆滿。