Desire (Closed)

放工去附近chill下，揀咗一間位於蘭桂坊既樓上西餐廳，餐廳燈光昏暗，非常有情調。分別試咗兩款小食，芝士凍肉拼盤，寬帶面同埋甜品。佢哋仲做緊優惠，$8/隻生蠔🦪（Irish rock)，生蠔非常鮮甜新鮮，海水味唔會太重，加埋檸檬汁同自家製嘅醋食，非常滋味。小食 - 炸西班牙青椒仔配馬爾頓天然海鹽香脆嘅青椒仔皮，一啲都吾辣，馬爾頓天然海鹽回甘不死鹹，帶出青椒仔既原味。小食 - 炸松露芝士可樂餅用麵粉牛奶製成，有少許牛乳香，食落去表皮非常香脆邪惡，裏面軟綿綿。精選芝士及凍肉拼盤配酸種麵包有風乾火腿和芝士各三款，Parma Ham肉質柔軟，味道細緻，配口感厚實芝士食，別有一番風味。北海道帶子寬帶面帶子好大粒，厚身細密，肉質鮮甜，寬帶面面質爽口，卦汁能力強，每一啖意粉都食到海鮮嘅鮮味。巴斯克焦香芝士蛋糕揭開牛油紙一刻香氣撲鼻，芝士蛋糕表面烘燶，入面口感軟熟，還有一塊紅葉作為裝飾，賣相有特色。飲品試咗Cucumber Saketini 同埋Earl Grey ，我個人好中意cocktail Cucumber Saketini ，飲落去非常清新，酒精度不高；Earl Grey 茶有驚喜，有柑橘嘅特