狗毛

Open Now

Now Closed

girls night前早左到蘭桂坊，同個fd無無聊聊想搵d嘢食先。兩個一邊講一邊行到比較入，見到棟商廈門口有間xx食泰國菜，即管上去睇下。上到去，環境好新淨、有飛鏢、最surprised竟然有桌球臺！即刻覺得個個場環境好chill，有嘢食之餘都可以玩！由於太肚餓關係，唔記得影張桌球臺。哈天氣咁熱，我叫左杯mango paradise，由於怕太甜，叫左小糖，好芒果，杯slush真係真材實料！想食個沙律，staff介紹我地叫個泰式青瓜沙律。staff話d青瓜真係新鮮從泰國運黎，特別清爽。再黎我地叫左串燒，牛豬雞，燒得啱啱好，夠晒香，個醬又唔會太辣。難得連雞肉都燒得啱啱好，d肉唔鞋。主菜叫左個大蝦pad thai。兩只大蝦用左d醬油煮過，特別香，蝦都夠大。成蝶pad thai個樣真係好吸引，即刻夾左d食，d粉味道唔會太甜，夾埋d蛋絲，辣椒絲，好野味。蝶邊都好細心咁配左辣椒同糖，加埋一齊食果然唔同d。值得一試！臨走前見到原來佢地有舉辦桌球比賽，鍾意玩既朋友可以得閒上去練下同朋友飲返兩杯chill下！