麵屋神匠

Open Now

Now Closed

油麻地地鐵站一出行唔夠2分鐘，小朋友一見到拉麵舖，已經拉住我話好肚餓要入去，不過我見近呢間拉麵店唔止係有豬骨口味，仲有蝦湯，同埋有蜆肉，我都想試吓。最好係有套餐可以揀，唔使諗，仲有小食同埋飲品，二人餐可以揀餃子或者炸雞，炸雞大大嚿，新鮮炸起，有入口非常Juicy。二人餐包括兩碗拉麵，小朋友揀咗蝦湯，我就揀咗蜆肉，見到蝦湯湯底非常濃郁，成個湯係血紅色，好香濃濃嘅蝦味，拉麵軟硬度適中，真係好味。蜆湯有幾隻大蜆，湯底好鮮味，而且鹹鹹地好開胃，我鍾意佢湯底一啲都唔肥膩，飲多幾啖都唔會口渴，其實每碗都有叉燒放喺側邊，不過個人覺得，湯底先係重點，小朋友一個人食晒一碗，證明真係好味，而我都可以將成碗湯飲晒，味道真係幾出色，下次經過可以再試吓其他口味。