大食代 (奧海城二期)

Open Now

Now Closed

尼個food court中西日韓星馬美食應有盡有，而且坐位多，相比旺角東既大食代，尼到人少d，所以易搵位，亦都近mtr站，好方便。叫左咖哩雞扒芝士漢堡蛋包飯配雞肉串($60)，肉骨茶(~$56)。原來份量都幾多，好多肉。首先咖哩分開上，唔辣帶少少甜，仲有4至5件薯仔，薯仔煮得入味。蛋包飯雖然唔係好特別，不過你可以隔住玻璃睇住佢煮，而蛋都夠滑。雞扒煎香之後，雞皮脆脆地，雞扒肉嫩。而漢堡係手掌一半既大小，面頭有塊熱溶左既芝士，漢堡肉結實。而雞肉串既味道，就甜甜地，有d似即買即食叮熱既雞肉串既味道。配菜有粟米沙律，幾健康。另外，亦配有味噌湯，味道清淡。如果鍾意多肉，尼款岩哂。肉骨茶數量有8至9件左右，肉骨茶唔算太濃郁，不過都飲到藥材味。加入蒜頭，金菇煮，湯底都幾好飲。肉骨甜，而且件件都有肉，肉軟唔韌送飯一流。另外，仲配有白菜一碟，有d炸香既蒜片及蠔油(?)，健康。整體，其他餐廳都好抵食，價錢親民，環境有舒服，唔駛同人逼。而且清潔姐姐見你食完，好快幫你收左d碟，個人覺我較旺角東既food court乾淨。