豪華餅店 (Closed)

今日經過九龍城就去聞名已久嘅 豪華餅店 買下午茶😆😆😆餅店好容易搵，就喺福佬邨道同衙前圍道嘅交界位，而且黎遠已經可以見到豪華好搶眼嘅紅色招牌❤👇🏻👆🏻豪華嘅酥皮蛋撻係出名左好耐架啦，終於可以試到！酥皮夠鬆化，而且唔油膩，入口即溶😋雖然唔係啱啱出爐，但都暖笠笠🥰蛋味都濃順帶想講嘅係，黎豪華之前，我睇過openrice嘅評語，大多數人都評論呢度嘅服務員姐姐服務態度好差🤯🤯🤯但係當我今次自己親身黎度買嘢之後，我要係度幫佢地平反！！！！佢地連續十多年黎都係負評😹但呢日我黎到買野，佢地好有耐性問我要咩，都叫我鍾意食嘅下次再黎買，之後仲同我傾左陣計🥰，係兩個幾親切嘅姐姐！（其實係嬸嬸啦🤫）完全唔係我睇評語嘅咁樣！可能會有人講，人地得閒咪講兩句，服務好啲囉，但我覺得如果佢哋無心理你，又或者我地買家本身嘅態度已經唔好，人地賣家又點會理我地呢？所以大家唔好因為睇左人地嘅評語就對人有唔好嘅印象💕講真，啲西餅、包、蛋撻係值得大家去試下嘅💕