Video
Read full review
2011-12-29
78 views
一直都鍾意食牛油皮蛋撻多過酥皮，當中要選美味足料的，莫過於超群！ 點解我咁講，因為超群Ｄ蛋撻真係一Ｄ都冇欺場！途經呢間分店，剛好撞正熱辣辣新鮮出爐，夠晒香噴噴，遠遠都聞到，攪到我都忍唔住要買黎食！普通那種$28有6個，流沙奶皇餡則$6.5一個！喺超群買有個體貼之處，就係店員會將Ｄ蛋撻分別兩個兩個用透氣透明盒裝住，唔會迫埋落一個紙盒／就咁用膠袋裝，咁就唔怕Ｄ皮會碎，或Ｄ蛋撻互相碰撞整爛變型啦！ 味道方面：普通版蛋撻層牛油皮夠厚夠鬆化，仲好香口添！Ｄ蛋漿好嫩滑，好似食燉蛋咁！ 尤其係熱烘烘時候食，無論係茶點或宵夜，都係咁好味！ 至於流沙奶皇蛋撻：上有杏片，Ｄ奶皇用麻糬包住置於中央，煙韌得黎Ｄ奶皇又香軟滑溜，份量都夠多而唔係小小一pat就算！整體黎講口感豐富特別，簡直係普通版蛋撻嘅昇華呀！
一直都鍾意食牛油皮蛋撻多過酥皮，當中要選美味足料的，莫過於超群！ 點解我咁講，因為超群Ｄ蛋撻真係一Ｄ都冇欺場！途經呢間分店，剛好撞正熱辣辣新鮮出爐，夠晒香噴噴，遠遠都聞到，攪到我都忍唔住要買黎食！普通那種$28有6個，流沙奶皇餡則$6.5一個！喺超群買有個體貼之處，就係店員會將Ｄ蛋撻分別兩個兩個用透氣透明盒裝住，唔會迫埋落一個紙盒／就咁用膠袋裝，咁就唔怕Ｄ皮會碎，或Ｄ蛋撻互相碰撞整爛變型啦！
味道方面：普通版蛋撻層牛油皮夠厚夠鬆化，仲好香口添！Ｄ蛋漿好嫩滑，好似食燉蛋咁！ 尤其係熱烘烘時候食，無論係茶點或宵夜，都係咁好味！ 至於流沙奶皇蛋撻：上有杏片，Ｄ奶皇用麻糬包住置於中央，煙韌得黎Ｄ奶皇又香軟滑溜，份量都夠多而唔係小小一pat就算！整體黎講口感豐富特別，簡直係普通版蛋撻嘅昇華呀！
Post
