臺北棧 (荷李活道) (Closed)

上次食過Check in Taipei 覺得幾好，今日去中環再食。酒吧式嘅台灣菜，門口嘅「我愛台妹」好吸睛。髒髒芋泥咸蛋黃蛋餅 $85賣相非常治癒，好吸引，以鴨蛋鮮製，好香蛋味，餅皮帶點煙韌，捲著甜甜地綿滑嘅芋泥，外層還有金黃色嘅鹹蛋黃，咸甜互相中和，味道剛好。招牌牛肉麵 $108配有溏心蛋，爽口蟲草花和嫩軟豆腐，牛肉軟腍，牛味濃郁，滷得很入味，牛肉係牛腱位，有筋，肉質較爽口。湯頭香濃鮮甜不油膩，質素不錯。刀削麵粗身帶嚼勁，索了湯汁，很不錯。酸辣牛肉麵 $118加了酸菜和辣喺牛湯而成酸辣湯，都唔錯，唔會好辣，酸酸地又可以醒下胃。伯爵茶凍QQ 芋圓 $68花奶底，芋圓有雙色，應該係芋頭和番薯🍠，質感Q彈，伯爵茶凍質感脆身，帶有少許茶嘅苦澀味，珍珠質感煙韌有少少實，仲有晶凝剔透嘅愛玉凍，甜甜地，整個甜品都很解暑。