Video
Read full review
2023-03-21
61 views
就咁聽個名都知道呢間餐廳就係食海鮮,咁啱呢排減肥想食清淡啲，就毫不猶豫揀咗呢間，佢嘅位置勁方便，喺總統戲院附近。揀咗尊貴海鮮套餐就坐定定等食，因為全程會有店員幫手煮，而且會逐樣介紹。而且最驚喜嘅地方係佢會先將我哋嘅餐具即場高溫蒸氣消毒，令我覺得好安心，又唔使自己洗，非常之方便。而海鮮嘅質素都對得住餐廳名，真係幾新鮮，種類又多，共有十款，一開始仲驚食唔飽，但最後係飽到不得了！當中最印象深刻係馬刀貝，完全唔需要點任何調味料，自帶天然海水，鮮味十足，而且好彈牙，都算幾大隻，好想食多幾隻。其次龍蝦都好正，大大隻，每人半邊都好夠食，仲有蝦膏，就咁食都帶有少少甜味，想濃味啲就可以用佢嘅調味盤，自己製作醬料。最後就係野生膏仔蟹，真係好多膏之餘，蟹肉都好多，如果鍾意食蟹嘅人，不妨加錢要更大隻蟹，個size真係大一倍，加上有好多工具，所以拆蟹都好方便。仲要提提大家，就算幾飽都好，一定要食最尾個粥，加埋啲菜普真係超開胃，而且佢有所有海鮮嘅精華喺入邊，鮮味十足，我一個人都食咗三碗。
揀咗尊貴海鮮套餐就坐定定等食，因為全程會有店員幫手煮，而且會逐樣介紹。而且最驚喜嘅地方係佢會先將我哋嘅餐具即場高溫蒸氣消毒，令我覺得好安心，又唔使自己洗，非常之方便。
而海鮮嘅質素都對得住餐廳名，真係幾新鮮，種類又多，共有十款，一開始仲驚食唔飽，但最後係飽到不得了！
當中最印象深刻係馬刀貝，完全唔需要點任何調味料，自帶天然海水，鮮味十足，而且好彈牙，都算幾大隻，好想食多幾隻。
其次龍蝦都好正，大大隻，每人半邊都好夠食，仲有蝦膏，就咁食都帶有少少甜味，想濃味啲就可以用佢嘅調味盤，自己製作醬料。
最後就係野生膏仔蟹，真係好多膏之餘，蟹肉都好多，如果鍾意食蟹嘅人，不妨加錢要更大隻蟹，個size真係大一倍，加上有好多工具，所以拆蟹都好方便。
仲要提提大家，就算幾飽都好，一定要食最尾個粥，加埋啲菜普真係超開胃，而且佢有所有海鮮嘅精華喺入邊，鮮味十足，我一個人都食咗三碗。
Post
