露面手工拌麵料理

一直都好鐘意水餃雲吞呢D，經過見到都幾多人去食，就入左去。好似呢到出名既係蟹皇拌面，又真係比較少係其他地方見到，之後就叫左個啦。面同埋蟹粉係分開，蟹粉醬足料到個質地係比較杰身，入面仲好多蟹油，真係好香。面質都幾彈牙，就算淋左醬都唔會面底淋曬，反而仲好掛汁，仲可以加埋少少醋，食落冇咁油膩。椒香麻辣湯小雲吞係可以簡辣度，雲吞係一口份量，可以一啖一個，個湯底好香，搞到係咁飲!! 芥香麻醬雞絲粉皮超足料，睇圖都見到個醬有幾吸引，粉皮好滑。香芋鮮奶 入面有好多香芋蓉，大家飲之前要攪一攪先，第一口感覺係好smooth，又唔會太甜，好岩心水。