尚品小廚

Open Now

Now Closed

今日和同事出街食飯，同事推介此間餐廳的湯飯好味, 於是佢帶路，未去到鋪頭，已經見一堆堆人在門外等。在門外望下餐牌，今日有湯飯呢個餐！(同事話不是日日都有湯飯架，同埋亦不是同一款湯飯。) 大約等左五分鐘左右，有職員通知有位坐，仲要係卡位。哈哈！入到去，雖然地方比較逼，幾乎連人行的通道也沒有，但大家會互相遷就。最後我點了 "蠔仔碎肉湯飯" 。原本午餐係會有一個例湯和一杯熱飲，但因為叫左湯飯，故沒有例湯送。蠔仔碎肉湯飯好快送上，湯飯都幾大碗，湯飯內有蠔仔，菇菌，肉碎，芫茜和大菜頭作調味。細細粒的蠔仔不是很多，但勝在冇腥味，而且完整無缺一粒粒，咬落都爽口。飯加上肉碎和茹菌連湯一啖放落口，有種回到家食飯感覺。湯㡳很濃味有少少偏鹹，但可接受。雖然湯底有少少偏鹹，但不知不覺間已整碗湯飯喝完又食完，非常飽。餐飲點了杯熱檸茶，茶味非常濃味，加上數片新鮮檸檬，能為我消消滯。