元気寿司 (Closed)

一心想食壽司，因只要手機一按元氣壽司App就可以囉位，非常方便，所以就相約朋友到元氣壽司晚餐。閒日等位的人不算多，而且迴轉Bar檯亦有位，但因我們二人想坐卡位，空間較為寬敞，所以要再多等15分鐘。每次食壽司，就好似行街血拼一樣，狂點狂食!壽司好快就到，而且一次過上枱，多到密密麻麻，好豐富，望見都好開心 最值得推介係炙燒系列的炙燒黑燒三文魚，三文魚燒得軟軟淋淋，入口即溶的感覺，配合灑上的黑椒及沙律醬，黑椒味道好濃郁，味道隨即提升，是每次必點之一!另一炙燒黑椒海蝦，同黑燒三文魚一樣灑上的黑椒及沙律醬，其實味道食落差唔多，不過海蝦較爽口，下層的飯亦唔太散。海鹽特大帆立貝都算OK~帆立貝厚切大大舊，好鮮味且口感豐富，但海鹽唔夠多，只食到帆立貝味道。北寄貝就麻麻地，好韌而且非常薄身。至於手卷，我就點左我最愛的軟殼蟹手卷，而朋友則點了三文魚手卷。雖然手卷即到即食，但完全唔熱，好似放左好耐咁，紫菜及軟殼蟹都唔脆，同牛油果軟殼蟹卷一樣，入面的軟殼蟹淋晒，有點失望 不過整體食物都好好味^^好期待下次再狂點狂食!