Video
Read full review
2020-12-05
1336 views
秋風起，好多人會去行大東山，行完山最好食惹味嘢開胃啲暖返個人利申先，呢篇係長文，因為真係好值得推介~見到有間係屋邨入面嘅印度菜，早就想試傳統印度菜，一於試下先。閒日夜晚無咩人，入到去聞到好香香料味，同侍應傾計先知係印度家庭式餐廳，餐牌寫得好清楚中英對照。最欣賞係有好多種咖哩，每種都有介紹辣度、材料，俾客人揀啱自己口味嘅咖哩，好細心。叫咗二人餐，有好多嘢食！注意跟set咖哩無得揀口味~ 二人餐餐點如下1.蕃茄湯，侍應哥哥話入面放咗cream、蒜同薑，飲落好特別，好似蕃茄湯加咗少少cream cheese咁嘅味，酸酸甜甜，少少辣好開胃。2.咖哩角，熱辣辣，比春卷皮厚少少嘅皮，包住薯仔，好香口，加埋個薄荷葉青檸醬，剛剛好3.胡椒烤餅，超好味！好似好薄嘅蝦片，再加青瓜、蕃茄同生洋蔥係面一齊食，特式前菜4. 傳統咖哩包飯同印度薄餅，肉類我地揀咗羊，咖哩送飯同naan係印度餐必食！羊好軟腍，無羶味，中碗size咖哩有成6,7舊羊肉，咖哩少少辣，香得嚟唔重椰奶味，送飯同naan剛剛好，好味！5.捲餅kebab (個二人餐真係好豐富)除咗牛肉，仲包咗生菜、生洋葱等等蔬菜入去，再加少少薄荷葉醬，好夾好味
利申先，呢篇係長文，因為真係好值得推介~
見到有間係屋邨入面嘅印度菜，早就想試傳統印度菜，一於試下先。閒日夜晚無咩人，入到去聞到好香香料味，同侍應傾計先知係印度家庭式餐廳，餐牌寫得好清楚中英對照。最欣賞係有好多種咖哩，每種都有介紹辣度、材料，俾客人揀啱自己口味嘅咖哩，好細心。
叫咗二人餐，有好多嘢食！注意跟set咖哩無得揀口味~
二人餐餐點如下
1.蕃茄湯，侍應哥哥話入面放咗cream、蒜同薑，飲落好特別，好似蕃茄湯加咗少少cream cheese咁嘅味，酸酸甜甜，少少辣好開胃。
2.咖哩角，熱辣辣，比春卷皮厚少少嘅皮，包住薯仔，好香口，加埋個薄荷葉青檸醬，剛剛好
3.胡椒烤餅，超好味！好似好薄嘅蝦片，再加青瓜、蕃茄同生洋蔥係面一齊食，特式前菜
4. 傳統咖哩包飯同印度薄餅，肉類我地揀咗羊，咖哩送飯同naan係印度餐必食！羊好軟腍，無羶味，中碗size咖哩有成6,7舊羊肉，咖哩少少辣，香得嚟唔重椰奶味，送飯同naan剛剛好，好味！
5.捲餅kebab (個二人餐真係好豐富)除咗牛肉，仲包咗生菜、生洋葱等等蔬菜入去，再加少少薄荷葉醬，好夾好味。個卷一隻手揸唔哂，好足料好飽肚！
6.甜品，印度甜品甜度好高，侍應哥哥都話你可以試but very sweet 佢地鄉下嘅人好鍾意食，不過知香港人口味未必鍾意，所以都係俾細細舊你試，有得試又唔會哂，細心！
成餐飯好味不在話下，侍應哥哥會問候同介紹，好有人情味之餘食物好地道。雖然癖咗少少，不過遲啲再去開東涌一定會再去~
咖哩角
41 views
0 likes
0 comments
胡椒烤餅
29 views
0 likes
0 comments
咖哩配飯和印度薄餅、蕃茄餐湯
43 views
0 likes
0 comments
羊肉捲餅
28 views
0 likes
0 comments
Post
