南豐餐廳

Open Now

Now Closed

住石硤尾區，最出名嘅係品香樓，但係其實南豐餐廳都係唔錯嘅選擇，經常會去堂食或者外賣。今日朋友嚟屋企玩，本身想去品香樓，但係實在人太多，南豐餐廳有位就入去坐低啦。 價錢相對較便宜。 合掌瓜湯味道夠濃，合掌瓜煲到溶曬，入口即溶， 應該冇味精。 奇妙雞煲食過好多次都好好味， 甜甜地嘅醬，雞好嫩滑，好惹味， 送飯一流。 鄉下佬炒雜菜菜係鮮綠色，好爽脆魚香茄子茄子仲係深紫色，賣相好靚，食落有啲咸，又係送飯之選。 京都豬扒好大碟，肉質都係腍嘅，唔會硬掘掘好難咬咁，酸酸甜甜，幾好味。