Safety Stop (Closed)

港鐵開通後，這個香港開埠舊區亦大大帶旺了，食肆越開越多，這店約可容三十客左右，環境及室內幾舒服，得閒嘆番餐，確幾寫意。舊區人情味重，眼見很多客人都和老闆有傾有講，有個女客人和媽咪帶了支 12年威士忌，（中午喎）飲番杯，感覺真係好正。餐湯是忌廉湯，無得選擇，因得一款，味道普通，不算好好叫了 露絲馬利羊仔扒，和 焦糖熱情果法國油封鴨腿，羊仔扒七成熟，廚師都做到要求，肉質不是最上乘，但亦不差。焦糖熱情果法國油封鴨腿，第一次試這個焦糖熱情果汁，甜甜地，幾特別，未曾在其他餐廳試過，鴨腿就得一隻，其實不是太夠飽，肉質粗糙些，不可以說幼滑。水吧由店員兼任，杯冰咖啡，完全唔得，我估柯打 熱咖啡，會好好多。