Video
Read full review
2017-12-25
166 views
上次同朋友食完覺得幾抵食，今次帶屋企人再食過~
環境:店內好多人，門口亦有幾枱等緊，睇黎間店人氣升緊~ 好在等一陣就入得~ 食物:先嚟一個牛油果軟殼蟹手卷，脆脆嘅軟殼蟹加上好香嘅牛油果，再配合沙律醬同蟹子，有齊晒甜酸鹹三種味，用嚟打頭陣非常開胃。
之後係珍寶赤蝦海鮮丼，一嚟到，個賣相已經贏咗。大大隻蝦放喺上面，再比大大隻嘅帶子圍住，仲有唔少魚生，所以即使好大碗飯，食到尾嘅時候都仲可以食到海鮮，抵玩。爸爸食唔停，大讚! 熱食我地仲叫咗廣島蠔寄世鍋，又係大大隻嘅熟蠔，好新鮮。加上仲有蟹鉗、蜆仔同菜，有菜我最愛~
千回火鳥，即係烤雞翼，呢個我好鐘意。就咁食的話，辣得嚟D肉好滑，如果加少少檸檬汁，成個感覺又好唔同，嗰種少少酸辣味，越食越肚餓。
最後仲有豬軟骨烏冬，夠腍夠入味，加埋個豬骨湯底，一人幾啖好快就食晒，好味。上次試過佢嘅雪糕好食，今次梗係要再食啦! 因為爸爸唔太好綠茶，所以我地叫咗雲呢拿雪糕底，非常香滑，配合埋綠茶粿子嘅甘香味，味道好豐富，值得推介。服務:上菜速度好快，即使客多都唔多影響上菜速度，有效率~
環境:
店內好多人，門口亦有幾枱等緊，睇黎間店人氣升緊~ 好在等一陣就入得~
食物:
先嚟一個牛油果軟殼蟹手卷，脆脆嘅軟殼蟹加上好香嘅牛油果，再配合沙律醬同蟹子，有齊晒甜酸鹹三種味，用嚟打頭陣非常開胃。
之後係珍寶赤蝦海鮮丼，一嚟到，個賣相已經贏咗。大大隻蝦放喺上面，再比大大隻嘅帶子圍住，仲有唔少魚生，所以即使好大碗飯，食到尾嘅時候都仲可以食到海鮮，抵玩。爸爸食唔停，大讚!
熱食我地仲叫咗廣島蠔寄世鍋，又係大大隻嘅熟蠔，好新鮮。加上仲有蟹鉗、蜆仔同菜，有菜我最愛~
千回火鳥，即係烤雞翼，呢個我好鐘意。就咁食的話，辣得嚟D肉好滑，如果加少少檸檬汁，成個感覺又好唔同，嗰種少少酸辣味，越食越肚餓。
最後仲有豬軟骨烏冬，夠腍夠入味，加埋個豬骨湯底，一人幾啖好快就食晒，好味。
上次試過佢嘅雪糕好食，今次梗係要再食啦! 因為爸爸唔太好綠茶，所以我地叫咗雲呢拿雪糕底，非常香滑，配合埋綠茶粿子嘅甘香味，味道好豐富，值得推介。
服務:
上菜速度好快，即使客多都唔多影響上菜速度，有效率~
Post
