Video
Read full review
2018-10-19
408 views
近排食左間泰菜真心不錯，好想推介一下。餐廳名叫曼谷車站，門口招牌有寫是泰國廚師主理，正宗的口味。幾乎全場都係卡位，舒服好坐。我地坐的卡位，係模仿火車卡座架，無端端做左電車男⋯⋯餐牌選擇亦多，從小食到甜品，應有盡有。而且價錢都好親民，炒菜、咖哩、沙律同小食都係五至六十蚊有交易。燒牛肉沙律 $68先香後辣，食得出幾正宗的泰式辣汁，都真係幾辣。燒牛肉其實係牛扒條，似啱啱燒起，仲暖暖地的。唔會韌又有牛味，mix 埋D辣洋蔥同西芹一齊食，真的很過癮，五星無懸念！鹹魚炒芥蘭$55未上菜已經聞到好香鹹魚味，阿姐一路行過來，果然真係我地條菜呀！急不及待要忍住口水影張相，可恨的是我影唔到熱辣辣的煙和香味。芥蘭炒得好好，軟硬適中。鹹魚雖香但唔會好咸，而且份量都足。呢個價錢，可能都仲平過茶記炒碟菜，認真抵食。海南雞（半隻）$85份量夠多，堅有半隻，燒味店 take away 半隻都成 70 蚊，可見佢有幾扺食。雞唔算十分滑，但亦唔係嚡的。鐘意佢唔肥，有雞味。另外，有三鐘醬汁可以點，分別係姜蓉、泰式辣汁同濃味甜豉油。三款都好夾隻雞，亦梗有一款夾到你。泰式金邊粉 $62外表及用料平凡，見到沒有 wow 一聲。但
餐廳名叫曼谷車站，門口招牌有寫是泰國廚師主理，正宗的口味。
幾乎全場都係卡位，舒服好坐。
我地坐的卡位，係模仿火車卡座架，無端端做左電車男⋯⋯
餐牌選擇亦多，從小食到甜品，應有盡有。
而且價錢都好親民，炒菜、咖哩、沙律同小食都係五至六十蚊有交易。
燒牛肉沙律 $68
先香後辣，食得出幾正宗的泰式辣汁，都真係幾辣。燒牛肉其實係牛扒條，似啱啱燒起，仲暖暖地的。唔會韌又有牛味，mix 埋D辣洋蔥同西芹一齊食，真的很過癮，五星無懸念！
燒牛肉沙律
15 views
0 likes
0 comments
鹹魚炒芥蘭$55
未上菜已經聞到好香鹹魚味，阿姐一路行過來，果然真係我地條菜呀！
急不及待要忍住口水影張相，可恨的是我影唔到熱辣辣的煙和香味。
芥蘭炒得好好，軟硬適中。鹹魚雖香但唔會好咸，而且份量都足。呢個價錢，可能都仲平過茶記炒碟菜，認真抵食。
鹹魚炒芥蘭
23 views
0 likes
0 comments
海南雞（半隻）$85
份量夠多，堅有半隻，燒味店 take away 半隻都成 70 蚊，可見佢有幾扺食。
雞唔算十分滑，但亦唔係嚡的。鐘意佢唔肥，有雞味。另外，有三鐘醬汁可以點，分別係姜蓉、泰式辣汁同濃味甜豉油。三款都好夾隻雞，亦梗有一款夾到你。
海南雞
13 views
0 likes
0 comments
泰式金邊粉 $62
外表及用料平凡，見到沒有 wow 一聲。
但金邊粉炒得幾乾身，冇痴住一舊舊，味道甜甜地好適中，熱辣辣亦好飽肚。蝦爽口沒有雪味，呢個價錢，我冇法挑剔。
泰式金邊粉
19 views
0 likes
0 comments
芒果沙冰 $28
超大杯，勁夠凍。有芒果味，味唔會假。唔太甜，飲成餐都飲唔完。
芒果沙冰
7 views
0 likes
0 comments
青擰梳打 $23
青檸冰底 + 成枝singha 玻璃樽 soda 俾你自斟自飲。
見到都爽，味覺與視覺同時享受。
青擰梳打
7 views
0 likes
0 comments
環境好，設計有心思，卡位又大又舒服，可以同時放到多款餸菜。
冇限時，夠乾淨，有服務，但冇加一。
食物水準有返咁上下，位置尚算方便。
埋單位位百六，性價比高，
I will be back very soon !
Post
