Video
Read full review
2021-11-09
3643 views
十一月是大閘蟹季節，朋友們想大快朵頤，搵到呢間大角咀熟食街市的餐廳可以買海鮮店加工，一行四人就立即go go go。其實店本身也有海鮮的菜式，但選擇相對較少，而且附近有旺角街市，順道去睇吓有咩靚海鮮再作決定也不遲。今次主要是食大閘蟹，所以買咗7兩的大閘蟹後，只是約略再買了蟶子及瀨尿蝦就算了，再另外在店叫些小炒也很豐富。🔸潮蓮燒鵝（例牌）個燒鵝好味，上枱時微溫，肥瘦適中🔸椒鹽鱔片平時都係椒鹽魷魚、白飯魚呢啲，見到有得揀鱔片，就一於試吓新嘢，鱔片係厚切，啲魚肉無太散，而個炸漿薄薄一層剛剛好，好怕平時果啲厚粉炸漿，椒鹽味適中，無太咸，但果然椒鹽同鱔片唔係朋友，個味點都唔係好夾，下次都係回歸傳統好了😂😂🔸豉油皇瀨尿蝦個豉油底係美極，廚師再另外調味，無死咸，有香味，我地一致認為個豉油好好味，連瀨尿蝦入面既肉都有味，正🔸蒜蓉粉絲蒸蟶子這個就失色咗，蒸既時間稍微過咗時間，蟶子蒸老咗，可惜。下次黎啲海鮮就唔好蒸，都係用炒、炸方式處理較好🔸大閘蟹大閘蟹是外來食物，唔關店事，但提提大家如果去食大閘蟹自備食蟹工具，因為真係乜都無，唔係咁方便。🔸豉油皇炒麵炒得尚算乾身，而個豉油亦唔係美極果隻，但可惜有濃味，影
其實店本身也有海鮮的菜式，但選擇相對較少，而且附近有旺角街市，順道去睇吓有咩靚海鮮再作決定也不遲。今次主要是食大閘蟹，所以買咗7兩的大閘蟹後，只是約略再買了蟶子及瀨尿蝦就算了，再另外在店叫些小炒也很豐富。
🔸潮蓮燒鵝（例牌）
個燒鵝好味，上枱時微溫，肥瘦適中
🔸椒鹽鱔片
平時都係椒鹽魷魚、白飯魚呢啲，見到有得揀鱔片，就一於試吓新嘢，鱔片係厚切，啲魚肉無太散，而個炸漿薄薄一層剛剛好，好怕平時果啲厚粉炸漿，椒鹽味適中，無太咸，但果然椒鹽同鱔片唔係朋友，個味點都唔係好夾，下次都係回歸傳統好了😂😂
🔸豉油皇瀨尿蝦
個豉油底係美極，廚師再另外調味，無死咸，有香味，我地一致認為個豉油好好味，連瀨尿蝦入面既肉都有味，正
🔸蒜蓉粉絲蒸蟶子
這個就失色咗，蒸既時間稍微過咗時間，蟶子蒸老咗，可惜。下次黎啲海鮮就唔好蒸，都係用炒、炸方式處理較好
🔸大閘蟹
大閘蟹是外來食物，唔關店事，但提提大家如果去食大閘蟹自備食蟹工具，因為真係乜都無，唔係咁方便。
🔸豉油皇炒麵
炒得尚算乾身，而個豉油亦唔係美極果隻，但可惜有濃味，影響整體味道
🔸薑汁炒芥蘭
又係超大碟芥蘭，薑汁味出，好食，唯一唔係咁好既係啲芥蘭有啲老既混雜其中，但所佔比例唔算多，除去老果啲都仲係好大碟，我接受到。
整體味道、價錢係okay, 姐姐都好好招呼，但當然環境係熟食中心既格局，尙算企理，而且平日都好多街坊一家大細或三五成群咁去幫襯，好不熱鬧，當係香港室內大排檔咁，我地就覺得可以接受。
Post
