BOM Cuisine (Closed)

去完長沙灣探朋友既BB 順便係埋個度食飯啦 好耐冇去長沙灣啦 原來而家多左好多唔同既餐廳 見到呢度有間葡國餐廳咁特別 就試一試啦當我地好認真咁睇緊menu 既時候 侍應行左過黎為我地介紹一下 原來呢間本來你食葡國餐 但係為左迎合附近街坊既口味 而家調節到大部份係fusion 菜 〰️傳統西班牙海鮮燴飯〰️第一眼就見到呢隻大虎蝦啦 開頭我以爲面頭灰灰地色既係蝦膏 點知一放入口就食到原來係橄欖加上蒜蓉 第一啖食係多少少澀澀地 但係嗒嗒下又覺得幾醒胃 繼續講返個飯先 其實有少少似意大利飯 但係佢冇雞湯味 變左係勁重既橄欖油味 雖然係咁 但係又唔會食到成口油個飯中間仲有蝦.青口.蜆肉.魷魚.帶子粒 材料豐富〰️葡萄牙霹靂烤原隻法式春雞〰️呢個雖然係烤雞 但係雞肉保持到好鮮嫩 雞既皮下脂肪唔多 食埋個雞皮都唔怕肥 而且雞亦係切好左 咁就唔駛原隻雞食咁狠狽啦個雞下面有薯蓉 薯蓉吸左啲雞汁 別有一番風味