薄荷葉泰國菜

Open Now

Now Closed

返咗成日工捱得咁辛苦又係時候收工去食好西啦！今日約咗朋友去元朗試一試泰國菜🇹🇭「薄荷葉」餐廳老闆好親民☺️極力向我地推介咗幾個菜式，食落都唔錯前菜係甜柚鮮蝦沙律🥗柚子，蔬菜加上原隻大蝦🍤！食落肚，酸酸甜甜，認真開胃，令我食慾大開接著係泰式燒豬髀仔！聽老闆講衣家貨源豬仔骨相對size比較細，所以佢哋一啲都唔吝嗇比多嚿，認真抵讚👍👍👍 豬髀仔表面搽左一層叉燒蜜汁，每一件都啖啖肉，再蘸上泰式辣醬，好香口😋再嚟一碟傳統泰國美食，黃咖喱🥘配新鮮雞加薄餅，份量唔惹少，同平時食開辣咖喱有啲唔一樣，呢到咖喱偏甜適合香港人口味，新鮮雞冇雪味。薄餅香脆可口，點埋咖喱汁落去，簡直係絕配😋😋😋最後一碟椒鹽魔鬼魚🐟係我最期待嘅美食，經過廚師嘅高溫煎炸，條魚香脆到連骨都可以食埋，配搭埋特色嘅酸甜醬及青醬別有一番風味！最後亦叫咗兩杯嘢飲青檸梳打及泰式石榴汁🥂🍹。吃飽喝夠，為今日畫上一個完美句號。