和居和居 (Moved) New Location

做完野係CWB收工，一個人開餐都唔知食咩好，經過呢間日本餐廳，見到有串燒食，岩哂一個人，就入左去試試喇~~呢到都幾多唔同野食刺身，串燒，熟食等等都有凍菠菜 $48先叫個清清地既前菜食下先，鍾意呢到加左D豆皮，唔會得菠菜甘悶~個昆布豉油唔會太咸，成件事係幾清新。不過菠菜可以再嫩D，而家老左少少~日本小青椒串 $25食串燒點可以唔食日本青椒仔。D青椒仔燒完既香味，真係無野可以取代。車厘茄串 $25車厘茄粒粒都好甜好JUICY，最正係佢係面頭洒左少少鹽花，令蕃茄既甜味更突出同有層次，好食~白鱔串 $78店員力推一定要試，果然冇信錯佢。白鱔係佢地自己親自’湯’，所以夠新鮮，唔會有腥味。仲要啖啖肉又有油香，雖然有D貴不過都值~自家製牛肉薯蓉餅 $95薯蓉整得好幼滑，而且炸得唔油膩，大人細路都一定會鍾意食~年糕芝士最後食埋呢個煙煙韌韌，甜甜地得黎又有芝士香既年糕，為呢一餐畫上完美句號。雖然只係隨便入左黎，但竟然十分之有驚喜，十分滿意。