鮪世市場 (Closed)

TKO Gateway新裝修之後就第一次再踏足呢個商場，原來開左個FoodLane有好多小食店係入面，環境乾淨企理，於是我就揀左間日本壽司試一試。因為本身唔算太肚餓，就揀左幾款特色壽司，有三文魚壽司、北寄貝壽司、火炙三文魚壽司、火炙帆立貝壽司、三文魚啖啖角油香，北寄貝鮮甜，帆立具入口軟棉棉，真係齒夾流香。再o黎有芥辣八爪魚軍艦芥茉味指到即止，芝士飛魚籽軍艦入口濃濃芝士香，飛魚籽咬落卜卜聲，特上海膽軍艦海艦入口即溶，越食越想繼續order，自家燒玉子都好出色，玉子甜甜地，蛋味好香，賣相都相當吸引。最後就係食完令我回味無窮既極上本鮪魚鮫壽司，真係好好味，魚油香濃，入口即溶既感覺真係無得頂，另一件係日本象拔蚌，都十分新鮮。最後加支日式櫻花可樂，真係飽到抱住個肚走。