金屋泰國菜館

Open Now

Now Closed

係荃灣人，唔係荃灣人都到過楊屋道街市啩，我唔係荃灣人，但同D人一樣都來過楊屋道街市，貪佢啲海鮮又平，又靚，又新鮮，就係咁樣，發掘到楊屋道呢間好泰國的『金屋泰國菜館』。呢晚，就特登過來荃灣幫襯呢濃濃泰味的餐廳，來一次餐檯上的泰國行。門口同入邊的的泰國公仔，墻紙各樣甚至連待應，你都會有錯覺，以為自己到咗泰國。點咗『泰式燒鮮魷』，上檯時雖然沒有我想像中的size咁大，但由放新鮮之故，同埋燒得好好，又唔會燶咗的魷魚影出來好好睇，爭D唔捨得食，但都被佢嘅香味吸引咬出咗第一啖，再配地道的sauce，好味吖。『泰式濕炒河』，點解係濕炒，可能係夏天之故，以前食得干炒多，而今次濕炒有海鮮，有菜，絕對係夏天佳品。『芒果糯米飯』幾乎係次次食泰餐必食之品，糯米飯椰汁香濃，芒果鮮甜無渣，都有半個咁多，以50蚊來講都算超值。