15
1
4
Level2
6
0
蛋控朋友話想試呢間玉子燒好耐,平時好少行呢頭,今晚就專登過嚟試吓。原來勁近油麻地地鐵站(C出口)。環境🌝🌝🌝🌚🌚天氣凍凍地,坐喺街邊食幾有風味。高摺櫈係枱,膠凳係凳,幾有香港特色。夜晚10點左右,人流唔算多,但柯打後要等10分鐘左右,即整嚟講算快手。一行3人止口痕,所以叫咗個3權分立餐($100揀3樣):🍽️ 魷魚 🌝🌝🌝🌚🌚大細啱啱好,一咬就咬得開。魷魚都幾入味又唔會太咸,略嫌個醬汁偏甜,不過日本醬料係咁,個人口味問題。🍽️ 章魚小丸子 🌝🌝🌝🌜🌚共6粒,可以一粒啪入口,但都唔會咁做,因為好鬼熱。個皮脆脆地,口感都好煙un ,每粒有一小粒章魚。🍽️ 明太子玉子燒🌝🌝🌝🌜🌚我哋帶住高嘅期望食,但都無乜失望!新鮮熱辣食,本身都唔會差得去邊。食落食到芝士同明太子味都唔會太咸,蛋同料都平衡得好好,唔會一夾就散晒。總體🌝🌝🌝🌝🌚街邊小食嚟講幾好,唔會食到好「呢HEA」,$100/3樣都好滿足到乜都想食少少嘅口痕🤤如果行開嚟油麻地,或者有外國朋友都可以推薦嚟試吓!(頭盔:非專業食家,人稱垃圾脷,通常食唔出「高級食材」有咩分別。食評僅供參考,敬請留意(*˘⌓˘*)ゝ)
Read full review
蛋控朋友話想試呢間玉子燒好耐,平時好少行呢頭,今晚就專登過嚟試吓。原來勁近油麻地地鐵站(C出口)。

51 views
0 likes
0 comments

環境🌝🌝🌝🌚🌚
天氣凍凍地,坐喺街邊食幾有風味。高摺櫈係枱,膠凳係凳,幾有香港特色。夜晚10點左右,人流唔算多,但柯打後要等10分鐘左右,即整嚟講算快手。

一行3人止口痕,所以叫咗個3權分立餐($100揀3樣):
57 views
0 likes
0 comments

🍽️ 魷魚 🌝🌝🌝🌚🌚
大細啱啱好,一咬就咬得開。魷魚都幾入味又唔會太咸,略嫌個醬汁偏甜,不過日本醬料係咁,個人口味問題。

🍽️ 章魚小丸子 🌝🌝🌝🌜🌚
共6粒,可以一粒啪入口,但都唔會咁做,因為好鬼熱。個皮脆脆地,口感都好煙un ,每粒有一小粒章魚。

明太子玉子燒
$30
70 views
1 likes
0 comments

🍽️ 明太子玉子燒🌝🌝🌝🌜🌚
我哋帶住高嘅期望食,但都無乜失望!新鮮熱辣食,本身都唔會差得去邊。食落食到芝士同明太子味都唔會太咸,蛋同料都平衡得好好,唔會一夾就散晒。


總體🌝🌝🌝🌝🌚
街邊小食嚟講幾好,唔會食到好「呢HEA」,$100/3樣都好滿足到乜都想食少少嘅口痕🤤如果行開嚟油麻地,或者有外國朋友都可以推薦嚟試吓!

(頭盔:非專業食家,人稱垃圾脷,通常食唔出「高級食材」有咩分別。食評僅供參考,敬請留意(*˘⌓˘*)ゝ)
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2022-12-02
Waiting Time
10 Minutes (Dine In)
Spending Per Head
$30
Recommended Dishes
明太子玉子燒
$ 30