日牛涮涮鍋專門店 (Closed)

用咗OpenRice 咁耐都未試過嬲到要寫個食評去講一間劣質餐廳：第一、服務差：我哋有個2歲bb（話高過90cm，我哋平時度高都冇咁高，佢哋出面把尺就度到100cm）佢收我$228一個人頭都算，我話因為個出風位係頭頂，前面有張吉檯，個前櫃唔俾我轉位，仲要串串共咁話要重新排過，如果唔係已經有啲晏，小朋友仲未食飯，我一定走佬離場。第二、衛生欠佳：地下成地水，濕漉漉，正如上面講，我哋要求換位，佢話要排過…（如圖）地下濕都算，係拎嘢食到拎個啲公筷都係濕漉漉，啲甜品碟啊，都仲係有水…. （如圖）第三、性價比極低，二個大人加一個bb，食咗$862，呢個價錢去食其他好啲嘅火鍋店都冇咁嬲，啲牛仲要一食就知係cheap牛。