壽司正 (Closed)

因為同男朋友之前食左個勁唔掂既聖誕自助餐, 決定要補返。我地2個人食左個日本和牛火鍋放題, 個半鐘任食。我地叫左豆乳湯底, 因為日本和牛任叫, 食完又叫, 一碟有10-14片, 好薄好多雪花, 同百幾蚊位o個d係唔同既牛, 比o個d多好多雪花。個湯底好甜, 我地食左好多野, 豆腐卜好好味, d湯既鮮味入晒去, 仲有好多丸同菜任食, 每人200幾蚊, 我地食左8碟牛, 回晒本。仲有飲品同甜品可以半價, 我地仲食左個栗子芭菲, 好味既雪糕加埋粟米片既味道好得意。好抵都唔算, 不過至少食得開心。