表叔火鍋

Open Now

Now Closed

今日同幾個朋友去左打邊爐，呢間鋪搭小巴好多時都會見到，上網seaech完見到都唔錯呢。環境唔係有好靚既裝修，始終我地主要打邊爐，如果裝修越靚，野食價錢相對都貴。啲枱凳都唔會放到好迫，都有足夠既位置。先黎左渣竹蔗水，夠哂凍同清甜。叫左胡椒豬肚雞做湯底。飲左兩碗湯先，好香胡椒味，飲好暖胃。手切肥牛，煮完之後望落好似好韌同嚡，點知食落好淋同好牛味！廣島蠔，一碟都有成8~9隻，食落唔會有雪藏味，唔錯！即炸魚皮，唔洗放入湯都可以就咁食，非常鬆脆。即炸響鈴，放落湯幾下再食，唔單止索哂湯，而且佢本身都好鬆化。手打四寶丸，真係好彈牙，咬落去嗰時差啲走出黎。