Video
Read full review
2012-10-15
26 views
覺得自己試食會d相影得唔夠靚, 又唔想帶單反機去試食, 因為太大部好掗拃又好重... 加上如果要買1.8大光圈+超微距+蔡司鏡, 齋鏡都過萬, 仲要重過機身, 唔係太識合我用...另一半幫我揀咗部Sony Cybershot DSC-RX100, 過幾日又有食家飯局, 唔等得啦, 放工即刻去Times Square買新相機...買完心頭好, 就係Times Square附近搵食... 望到對面街「一風堂」個招牌, 就去試吓啦~ 之前想去尖沙咀試好耐, 不過人人都話要排好耐隊, 所以都唔係好敢去試...6:30PM去到, 時間尚早, 只有幾枱客, 唔使排隊直入... 全香港最貴嘅黃金地段, d枱櫈好袖珍~浸住檸檬嘅冰凍清水, 已經預先放置係大家嘅座位前, 以自助形式飲用~ 凍水滲出淡淡的檸檬味, 幾清新...第一次o黎, 對一切都好陌生, 特別係呢個芝麻樽, 研究咗好耐先識用, 好大鄉里, 哈哈... 同埋覺得佢個樣好鬼似「千與千尋」入面嘅「無臉男」, 好搞笑...第一次幫襯, 都唔知有咩好食, 求其Order啦...落單時職員會問客戶對麵條軟硬嘅喜好, 極為細心...赤丸新味 -- 另
另一半幫我揀咗部Sony Cybershot DSC-RX100, 過幾日又有食家飯局, 唔等得啦, 放工即刻去Times Square買新相機...
買完心頭好, 就係Times Square附近搵食... 望到對面街「一風堂」個招牌, 就去試吓啦~ 之前想去尖沙咀試好耐, 不過人人都話要排好耐隊, 所以都唔係好敢去試...
6:30PM去到, 時間尚早, 只有幾枱客, 唔使排隊直入... 全香港最貴嘅黃金地段, d枱櫈好袖珍~
浸住檸檬嘅冰凍清水, 已經預先放置係大家嘅座位前, 以自助形式飲用~ 凍水滲出淡淡的檸檬味, 幾清新...
第一次o黎, 對一切都好陌生, 特別係呢個芝麻樽, 研究咗好耐先識用, 好大鄉里, 哈哈... 同埋覺得佢個樣好鬼似「千與千尋」入面嘅「無臉男」, 好搞笑...第一次幫襯, 都唔知有咩好食, 求其Order啦...
落單時職員會問客戶對麵條軟硬嘅喜好, 極為細心...
赤丸新味 -- 另一半話幾好味, 可惜份量太少, 食完好似冇食過o野落肚咁...
味噌豬骨 -- 湯底味道濃郁, 湯面浮起豬骨精華, 麵條彈牙有勁, 叉燒肉質結實, 好好味~ 可惜份量太少, 真係食咗陣風落肚咁... 漫漫長夜, 點挨?!!
一風堂餃子 -- 皮薄餡靚, 肉味濃郁, 一d油都冇, 好味~
好味係好味嘅, 不過咁就冇咗180蚊... 錢都事少, 食完好似冇食過o野落肚咁先事大... 如果唔係要拿拿聲趕番屋企試玩部新相機, 真係會走去食Second Dinner...
.
Post
