Video
Read full review
2021-06-28
1212 views
以前大家有無係裕民坊食宵夜?當中令我最有回憶既一定係巷仔入面既豆漿油炸鬼，隨住重建計劃，舊鋪已經差唔多拆哂，隨即而黎既係新既裕民坊，開幕之後我就即刻去睇下有無我想食既野。觀塘裕民坊「YM²」係四月開幕，特別係入面既裕民里邀請因重建計劃遷移既小店進駐，總共有4層，有29間餐廳進駐，主要賣日常用品、服飾、經典小食同家居服務。當中第一層有大家熟悉嘅永興豆漿王重出江湖，只要係觀塘嘅街坊就一定有食過。永興豆漿王喺觀塘既名店，有三十幾年歷史，由觀塘碼頭既走鬼檔、見證地鐵通車、再遷到裕民坊，最後係裕民坊窄巷入邊通宵營業，令人記憶猶新嘅係分黃色嘅燈光、紅白招牌同埋好遠聞到嘅香濃豆香，以自家磨製香濃豆漿同豆腐花打響名堂，可惜因為2019年嘅重建計劃，令到小店係2019年2月結業。因為我一直喺觀塘返工，舊舖最後一日營業嗰時都有特登買外賣幫襯，因為都充滿咗好多回憶。舊鋪係觀塘裕民坊小巴站，穿過一條兩邊賣手機配件、手錶小店既巷仔，係一間夜晚燈火通明既豆漿小店。店鋪唔大，鋪前擺左一個個膠桶用黎裝冷熱豆腐花，同時擺左一枝枝大枝既豆漿，會見到好多人停低腳步買支豆漿或者外賣豆腐花，店後方有兩、三張小圓枱同方枱，大概可
以前大家有無係裕民坊食宵夜?當中令我最有回憶既一定係巷仔入面既豆漿油炸鬼，隨住重建計劃，舊鋪已經差唔多拆哂，隨即而黎既係新既裕民坊，開幕之後我就即刻去睇下有無我想食既野。
觀塘裕民坊「YM²」係四月開幕，特別係入面既裕民里邀請因重建計劃遷移既小店進駐，總共有4層，有29間餐廳進駐，主要賣日常用品、服飾、經典小食同家居服務。當中第一層有大家熟悉嘅永興豆漿王重出江湖，只要係觀塘嘅街坊就一定有食過。
永興豆漿王喺觀塘既名店，有三十幾年歷史，由觀塘碼頭既走鬼檔、見證地鐵通車、再遷到裕民坊，最後係裕民坊窄巷入邊通宵營業，令人記憶猶新嘅係分黃色嘅燈光、紅白招牌同埋好遠聞到嘅香濃豆香，以自家磨製香濃豆漿同豆腐花打響名堂，可惜因為2019年嘅重建計劃，令到小店係2019年2月結業。
因為我一直喺觀塘返工，舊舖最後一日營業嗰時都有特登買外賣幫襯，因為都充滿咗好多回憶。舊鋪係觀塘裕民坊小巴站，穿過一條兩邊賣手機配件、手錶小店既巷仔，係一間夜晚燈火通明既豆漿小店。店鋪唔大，鋪前擺左一個個膠桶用黎裝冷熱豆腐花，同時擺左一枝枝大枝既豆漿，會見到好多人停低腳步買支豆漿或者外賣豆腐花，店後方有兩、三張小圓枱同方枱，大概可以容納十個人，衛生程度當然唔理想，不過呢啲就係街頭味道。
而家係新裕民坊既永興係今年6月尾重開，每日做12小時，因為店主話好掛住班街坊，因為係舊店執笠後，兩位店主雖然做到周身痛，但因為唔捨得街坊，喺兩年不斷搵合適嘅舖位，後來新裕民坊發展商搵佢哋，所以佢哋進駐呢個新商場，有唔少舊街坊都有幫襯，甚至有啲已經飲足20幾年佢哋嘅豆漿，所以即使日做12個鐘，店主都覺得係值得。
新店只做外賣，可以買去附近既露天廣場食，店鋪呢家自設磨豆機，每朝店主就會返嚟磨豆備貨，除咗有賣招牌嘅豆腐花、豆漿、油炸鬼，仲有提供粢飯、花奶涼粉，另外仲有小食，好似腸粉、燒賣、牛肉球、粉果等點心，全部都係喺蒸爐上，買完拎上手係暖笠笠。
-
1️⃣ 香滑豆腐花 熱 細碗 💰11 （👅: 8/10）
香滑豆腐花
$11
83 views
1 likes
0 comments
豆腐花係店舖一大招牌，撞得滑嫩有致，呢度既黃糖係店員預先幫你落，無得自行調配，糖唔會太多食落夠甜，不過唔鍾意食咁甜既可以同店員預先講低要求小糖，食到豆乳既甜味，豆腐花夠熱辣辣，夏天食會有啲吃力，冬天食就會非常暖身舒服，因為夠熱，所以黃糖唔會話溶唔哂，令到入口係一粒粒糖，因為呢度凍既豆腐花都係落黃糖，如果食落就可能出現入口係糖粒既口感。食落豆香味濃香，入口滑嫩，唔會有渣，豆腐花配上黃糖始終係最好既配搭，略嫌如果黃糖可以自行加份量會更好。
-
2️⃣ 油條 💰10（👅: 7.5/10）
油條
$10
48 views
1 likes
0 comments
油炸鬼咬落夠脆，食落係比較煙韌，煙韌程度係唔易咬開，而且單食油膩感幾重，但浸左豆漿之後就變得易咬開好多，油膩感都被豆漿中和左，果然油炸鬼同豆漿係絕配。
-
3️⃣ 香濃豆漿 熱 💰10（👅: 8/10）
香濃豆漿
$10
64 views
1 likes
0 comments
豆漿加油炸鬼一直係我喺以前舊舖必食嘅組合，以前會覺得點解要將個咁多油嘅油炸鬼浸耐豆漿度，但食過一次就覺得係完美嘅組合。
豆漿有分凍熱杯裝、細樽同大樽，大樽無1公升都起碼有700ml，差唔多係家庭裝，細樽就差唔多係500ml既枝裝飲品，我叫既係杯裝，豆漿夠熱辣辣，
入口順喉，質地唔會話好稀，有啲濃稠，帶微微黃豆顆粒感，飲落有小小豆香味，順喉溫潤，不過如果食過豆腐花再飲豆漿，味道會變淡，甜度會唔夠，單獨飲就甜度恰到好處，唔會太甜都唔係假既甜味。
加油炸鬼唔單止將油炸鬼整腍啲易食，都可以將油炸鬼嘅油膩感減低，一甜一鹹，但保留咗油炸鬼第一啖嘅酥脆，食落係非常滋味。
-
🌟 食物黎講，豆漿係記憶中中味道，價錢夠親民貼地。油炸鬼依舊係同豆漿最佳既配搭，最緊要食落夠熱夠暖。
香滑豆腐花
$11
42 views
2 likes
0 comments
呢間小店重開當然開心，因為有好多回憶，以前會同朋友放工嚟食，簡單一碗熱豆漿加油炸鬼，已經好食好滿足。味道上可能唔大分別，但最大分別嘅就係佢唔再係做到凌晨2:30嘅宵夜小店，因為開喺商場入邊，由以前淨係做夜晚宵夜由6點做到凌晨2:30變成呢家由日頭10點做到夜晚10點，而且最重要嘅係佢唔係一個可以堂食嘅街邊小店，少咗原本以前嘅風味，味道雖然熟悉，單店舖令人覺得好陌生，唔再係放工可以過嚟坐低邊傾邊食嘅選擇。
有人其實唔係食佢地豆腐花既味道，舊鋪鋪面細，無冷氣又逼狹，但依然好多人肯坐低食，大家係食以前既環境同風味，對呢一班友包括我黎講，黎講係非常可惜。不變既係人情味，辛勤半世人換來周身痛，一直考慮趁重建關閉小店，不斷係附近物色鋪位，為既只係因為想街坊再次食到熟悉既味道，呢家終於迎來重返觀塘既曙光，無論係對店主、定係久等既觀塘街坊，都係喜訊。
-
👅味道: 8/10
🍴環境: 7/10
💰消費: $31 (服務費: NA)
Post
