Black Coffee

Open Now

Now Closed

Cafe 位於裕民坊2/F一個角落，裝修簡單舒服，有排Black coffee 字母櫈仔幾得意，環境靜靜地幾舒服。Order 完之後店員就會即叫即煮，煮好等叫號碼取餐；真係想讚下2 位店員好用心，落單收錢、煮食、沖咖啡等都包辦晒。🔶慢煮牛面頰配蒜蓉炒意粉 🔶牛面頰炆得好淋好好味，個汁超濃郁連紅蘿蔔都煮到好入味，個意粉分開上用蒜蓉炒過好香，可以自己加啲汁落去個意粉度，個汁好味到我想有碗白飯可以撈😂🔶自家製手打雞肉蝦餅漢堡包配雜菜沙律🔶個包好鬆軟好食，手打雞肉蝦餅幾彈牙有肉汁，配埋新鮮嘅沙律菜幾清新。甜品：🔶三重朱古力窩夫配朱古力雪糕🔶Triple Chocolate 啱曬朱古力控😍窩夫質地做得好好，外面好脆裡面鬆軟有彈性。朱古力雪糕味好濃郁，呢個甜品真係食到舔舔脷。飲品：🤎焦糖鮮奶咖啡🤎🤎鮮奶泡沫咖啡🤎咖啡味香醇，飲落幾順滑。