La Kaffa (Closed)

之前一直都想食呢間，前幾日終於食到，一入到去已經比佢既裝修吸引，採用左古香味重既懷舊色彩，加上啲係外國等火車既鐘錶做裝飾，同埋佢個賣票處都特別，雖然只係用作收銀，但都見到佢地好有心思係個環境上，食起上黎先有果個氣氛。落單之後都唔係等好耐，已經黎左杯飲品。呢杯飲品睇落咁正，飲落仲正！最中意啲一粒粒好有咬感既野，你以為抹茶加珍珠有幾特別？錯哂，係咖啡果凍黎，加埋一齊啜的口感簡單係正到不行！再黎個正餐睇上去個款都唔差，印象中呢個係A2餐黎，好中意個蛋阿！！太陽蛋仲要流心🤤🤤🤤受不了！呢個腸仔味道雖然同普通腸仔冇分別，但勝在佢個皮，咬落去夠爽，真心爽皮個薯塊味道唔錯，冇乜油係面，而且夠脆，薯塊唔脆真係會難食到喊總體來說，成間餐廳環境連食物都不錯，值得一去，尤其係啲懷舊、文青最岩去邊食邊影。