Video
Read full review
2020-12-01
699 views
食日本菜最鍾意就係坐吧枱，可以欣賞廚師功架，，而呢度吧枱都幾闊落，坐得舒服，店員話日本大廚經驗豐富，老闆將菜式交晒畀佢話事，所以先能夠將博多風味毫無保留帶來香港，咁真係要坐定定等開餐。等待廚師即場燒製嘅時候，食d前菜先，高野豆腐、薯仔豚肉、大根牛肉、博多築前煮都係博多家常菜，全部都煮得又腍又入味。海藻麵條口感似蒟蒻麵，既滑且彈。福岡風芝士豆腐口感似芝士，芝士香味唔會蓋過豆味，配搭同味道相當出色。三種蔬菜都好鮮甜，而且甜味各有不同，白粟米清甜多汁，甘薯先甘後甜，京都萬願寺甜青椒香甜而不辣。日本燒蠔多數都係廣島蠔或岩手蠔，福岡唐泊惠比須蠔都係第一次試，咪睇佢細細隻，放入口先知層次極之豐富，首先食到海水鹹味，礦物味隨之而來，最後甘甜慢慢滲出，無得彈。手羽先一夜干選用以雞味濃見稱嘅博多地雞，以一夜干做法風乾15小時，令本身濃郁雞味更加濃縮，燒到皮脆肉嫩，燒隻雞翼都落咁多功夫，真係一絲不苟。薩摩炸魚餅比平時食開嘅泰式炸魚餅口感較實淨，無咁似魚丸，甜味亦較自然。厚疣鯛表面焦脆，肉質細膩帶油香，唔腥，亦唔算多骨。鰯明太子係將明太子釀入沙甸魚再燒香，魚肉雖無厚疣鯛咁鮮甜，但充滿鹹香，幾惹味。黑毛豬肋眼
食日本菜最鍾意就係坐吧枱，可以欣賞廚師功架，，而呢度吧枱都幾闊落，坐得舒服，店員話日本大廚經驗豐富，老闆將菜式交晒畀佢話事，所以先能夠將博多風味毫無保留帶來香港，咁真係要坐定定等開餐。等待廚師即場燒製嘅時候，食d前菜先，高野豆腐、薯仔豚肉、大根牛肉、博多築前煮都係博多家常菜，全部都煮得又腍又入味。海藻麵條口感似蒟蒻麵，既滑且彈。福岡風芝士豆腐口感似芝士，芝士香味唔會蓋過豆味，配搭同味道相當出色。
三種蔬菜都好鮮甜，而且甜味各有不同，白粟米清甜多汁，甘薯先甘後甜，京都萬願寺甜青椒香甜而不辣。
日本燒蠔多數都係廣島蠔或岩手蠔，福岡唐泊惠比須蠔都係第一次試，咪睇佢細細隻，放入口先知層次極之豐富，首先食到海水鹹味，礦物味隨之而來，最後甘甜慢慢滲出，無得彈。
手羽先一夜干選用以雞味濃見稱嘅博多地雞，以一夜干做法風乾15小時，令本身濃郁雞味更加濃縮，燒到皮脆肉嫩，燒隻雞翼都落咁多功夫，真係一絲不苟。
薩摩炸魚餅比平時食開嘅泰式炸魚餅口感較實淨，無咁似魚丸，甜味亦較自然。厚疣鯛表面焦脆，肉質細膩帶油香，唔腥，亦唔算多骨。鰯明太子係將明太子釀入沙甸魚再燒香，魚肉雖無厚疣鯛咁鮮甜，但充滿鹹香，幾惹味。
黑毛豬肋眼燒至大約七成熟，望落好似牛扒咁，食落肉質粉嫩彈牙，豬味濃郁，一d都唔臊，有好嘅食材真係贏在起跑線。
兩款燒飯團分別係醬油同梅紫蘇，飯團外層焦脆，入面軟糯，醬油金菇香甜，梅紫蘇清新，紫菜亦夠脆。
叫左兩款甜品，星野村布甸用奧八女星野村出品嘅抹茶製成，幽香茶味同甜蜜紅豆相當合拍，比燉蛋更滑。西中洲紅豆年糕湯熱辣辣好香甜，年糕仲要燒完先放入去，煙韌帶微微焦香。
甜綠茶同樣來自奧八女星野村，比普通抹茶多左份清甜，而青檸梳打青檸味濃，飲到新鮮青檸汁，唔係糖漿果種死甜。
📍博多•爐端燒
尖沙咀金巴利道82A-84A號金閣大廈地舖
Post
