Video
Read full review
2017-08-06
599 views
去大埔探完親戚已經六點左右, 當然要醫下嗰肚仔先! 啱啱好有好幾間有特色既餐廳係附近, 尤其係一間叫Das Bier既餐廳, 佢地提供西班牙同德國菜, 又有好多款beer提供, 我唔理咁多, 食左先講!佢其實分開咗兩間餐廳，一間西班牙餐廳，另一間德國餐廳，但兩邊都有晒所有餐單，所以食物同餐飲都有好多選擇！入面嘅環境都幾「骨子」，坐得幾舒服我哋一坐低左就叫左瓶酒，因為出面實在好熱，搞到出晒汗，當然要飲支酒涼透心！呢枝係蘋果啤酒，我女朋友幾鍾意呢支啤酒，因為唔會偏甜，酸味獨特，同7-11一般買到嘅蘋果啤酒相比好好多，酸甜嘅平衡啱啱好！出面唔易買到呢支蘋果啤酒，想試嘅真係可以去Das Bier 試下。食物方面，我哋等左10分鐘左右就已經到啦！好有效率。第一道菜係德國鹹豬手配酸菜及薯仔沙律。平時食阿媽煮嘅滷水豬手食得多，今次真係咁大個仔第一次食德國嘅豬手，冇諗到味道真係好正！豬手唔會太鹹，外皮炸到脆卜卜，肉質方面嫩滑，最重要嘅係份量好多，啖啖肉！豬手旁邊仲有酸蘿蔔同薯仔沙律作伴菜，伴菜嘅份量我覺得啱啱好。我同女朋友兩個都食唔晒，要打包返屋企慢慢享受！！！第二道菜就係西班牙黑毛豬風乾火腿野菌闊條
佢其實分開咗兩間餐廳，一間西班牙餐廳，另一間德國餐廳，但兩邊都有晒所有餐單，所以食物同餐飲都有好多選擇！入面嘅環境都幾「骨子」，坐得幾舒服
我哋一坐低左就叫左瓶酒，因為出面實在好熱，搞到出晒汗，當然要飲支酒涼透心！呢枝係蘋果啤酒，我女朋友幾鍾意呢支啤酒，因為唔會偏甜，酸味獨特，同7-11一般買到嘅蘋果啤酒相比好好多，酸甜嘅平衡啱啱好！出面唔易買到呢支蘋果啤酒，想試嘅真係可以去Das Bier 試下。
蘋果啤酒
32 views
0 likes
0 comments
食物方面，我哋等左10分鐘左右就已經到啦！好有效率。第一道菜係德國鹹豬手配酸菜及薯仔沙律。平時食阿媽煮嘅滷水豬手食得多，今次真係咁大個仔第一次食德國嘅豬手，冇諗到味道真係好正！豬手唔會太鹹，外皮炸到脆卜卜，肉質方面嫩滑，最重要嘅係份量好多，啖啖肉！豬手旁邊仲有酸蘿蔔同薯仔沙律作伴菜，伴菜嘅份量我覺得啱啱好。我同女朋友兩個都食唔晒，要打包返屋企慢慢享受！！！
德國鹹豬手配酸菜及薯仔沙律
$188
56 views
0 likes
0 comments
第二道菜就係西班牙黑毛豬風乾火腿野菌闊條麵。嗰汁好creamy，唔會太稀，加上麵嘅軟硬程度適中，越食越覺得自己好幸福！分量同豬手一樣都係大，配料份量都好足，唔係講緊啲野菌，係講緊啲黑毛豬火腿！
西班牙西班牙黑毛豬風乾火腿野菌闊條麵
$128
51 views
0 likes
0 comments
每道菜式嘅分量大但價錢合理，買單＄400，但換來嘅係一等一嘅享受，就算俾女朋友鬧我影相認得差，但依然無損興致！
Post
