Video
Read full review
2023-09-21
965 views
今次離開HKU少少，去西營盤高街一頭搵食好多餐廳，乜菜式都有試吓呢間主打台灣菜嘅cafe，望落唔錯選擇花款多: 麵、飯、吐司、蛋餅、all day bfast、意粉都有▶️ 寶島蛋餅配輕量沙律 Taiwanese egg pancake w/ salad ($75)配料七選一，可+$10雙拼，揀咗吞拿魚份量比預期中細😅賣相還可以蛋餅皮屬煙靭非酥皮或粉漿類型，幾啱我口味特別在落咗小麥粉，口感好啲厚度適中，咬落有嚼勁 (不過應該係預製／雪藏餅皮)入面嘅蛋皮顏色偏黃，冇咩蛋味又冇奄列泡泡地嘅口感，存在感低😂鍾意佢吞拿魚冇另外落沙律醬，唔會濕爹爹整濕蛋餅皮🐟食得出係用罐頭吞拿魚，味道鹹鹹地帶少少腥味蛋餅面頭落咗適量醬汁調味旁邊有沙律菜配車厘茄，用芝麻醬做沙律醬，仲加上含健康脂肪嘅松子仁▶️ 台式香菇肉燥新竹米粉 (乾伴) 拼鹽酥雞扒 ($84)新竹米粉賣相差啲🙈就咁淥完米粉再倒上肉燥冇湯嘅新竹米粉痴埋一嚿，好在呢度嘅肉燥較濕，代替湯實質肉燥唔多新竹米粉質感ok，似彈牙少少嘅粉絲鹽酥雞扒正常，不過睇落唔太香脆▶️ 蜂蜜綠茶跟餐飲品，無需另外加錢呢度啲飲品全部「賞茶」出品揀咗微糖少冰，甜度啱啱好，唔會蓋
好多餐廳，乜菜式都有
試吓呢間主打台灣菜嘅cafe，望落唔錯
選擇花款多: 麵、飯、吐司、蛋餅、all day bfast、意粉都有
▶️ 寶島蛋餅配輕量沙律 Taiwanese egg pancake w/ salad ($75)
配料七選一，可+$10雙拼，揀咗吞拿魚
份量比預期中細😅賣相還可以
蛋餅皮屬煙靭非酥皮或粉漿類型，幾啱我口味
特別在落咗小麥粉，口感好啲
厚度適中，咬落有嚼勁 (不過應該係預製／雪藏餅皮)
入面嘅蛋皮顏色偏黃，冇咩蛋味又冇奄列泡泡地嘅口感，存在感低😂
鍾意佢吞拿魚冇另外落沙律醬，唔會濕爹爹整濕蛋餅皮🐟食得出係用罐頭吞拿魚，味道鹹鹹地帶少少腥味
蛋餅面頭落咗適量醬汁調味
旁邊有沙律菜配車厘茄，用芝麻醬做沙律醬，仲加上含健康脂肪嘅松子仁
寶島蛋餅配輕量沙律
$75
90 views
0 likes
0 comments
▶️ 台式香菇肉燥新竹米粉 (乾伴) 拼鹽酥雞扒 ($84)
新竹米粉賣相差啲🙈就咁淥完米粉再倒上肉燥
冇湯嘅新竹米粉痴埋一嚿，好在呢度嘅肉燥較濕，代替湯
實質肉燥唔多
新竹米粉質感ok，似彈牙少少嘅粉絲
鹽酥雞扒正常，不過睇落唔太香脆
▶️ 蜂蜜綠茶
跟餐飲品，無需另外加錢
呢度啲飲品全部「賞茶」出品
揀咗微糖少冰，甜度啱啱好，唔會蓋過綠茶甘苦味🍵又品嚐到微微蜂蜜天然甜味
蜂蜜綠茶
27 views
0 likes
0 comments
-
味道一般般，食材製作簡單，唔好期望係正宗台灣菜味道
台式香菇肉燥新竹米粉 (乾伴) 拼鹽酥雞扒
$84
27 views
0 likes
0 comments
鋪頭細，坐位唔多，一開始要同人搭枱
服務就ok既，多數後生仔女，有禮貌，上菜快
性價比低🫢呢個水準同環境稱唔上cafe，但收cafe價錢，好彩唔收加一
值得讚係有提供免費wifi
Post
