十三少 (Closed)

週末西港島遊走抖下氣，行完海濱長廊過返山市街附近，揾到間幾有中式庭園風食川菜既十三少。天氣凍凍地，邊爐以外既選擇，就最啱食下酸菜魚，點左份二人套餐速食做Early Dinner😏椒麻皮蛋呢款黃金皮蛋唔係用鴨蛋製成，而係用雞蛋造皮蛋，金黃既蛋白位好似啫喱咁晶瑩，蛋黃溏心香濃。沾上紅油青椒，入口更加滑溜惹味，食後仲有D麻香感十三少酸菜魚魚片厚度適中，帶點魚皮邊。魚肉雪白有紋理，夾起柔軟透亮，唔會有暗啞感。食前趁熱嚐幾口鮮魚湯，酸菜青花辣椒加埋芝麻香產生果份衝擊感同味覺享受，胃口有增冇減！美味嫩滑既酸菜魚，配上白飯撈埋湯落肚，Yummi😋麻辣鹵豬手川式涼菜真係色香美俱全，前菜點份鹵豬手，賣相大件睇起黎脹卜卜，雙筷夾起尤其彈滑感。鹵得出色，整件皮層連骨入口咀嚼，爆汁之餘夠哂入味，質感軟淋易分離，滿口骨膠原感！紅糖糍粑糍粑有好多唔同既地道做法而我最中意就係川渝既紅糖糍粑～外層煎得香脆內層軟糯，口感柔軟細膩加上豆粉、紅糖同吃，份外滋味～