Iberians (Closed)

店面非常隱蔽，如果唔係特登搵都搵唔到，識食先至會特登嚟搵隱世餐廳😂連餐具都很吸引，色彩繽紛，帶有西班牙嘅特色👍🏻Sangria Red~非常鍾意西班牙嘅果酒，粒粒果肉吸收左酒嘅獨特香氣，別具一番風味👍🏻香辣蒜香橄欖油大蝦～餐前小食呢個絕對係唔錯嘅選擇，微辣可以開胃，蝦亦非常大隻同彈牙，同時貼心地脫了殼，可以食得非常優雅🤭水牛芝士沙律~沙律汁味道非常到位，配搭到唔同嘅菜類，而水牛芝士份量亦都非常多，配上沙律菜食，絕對係絕配😁加泰隆尼亞蕃茄麵包～最鍾意上枱後依然微暖嘅麵包，配搭著黃椒、青椒⋯⋯等醃製物，正正係西班牙嘅風味🤗蟹肉蟹膏闊條麵~蟹既鮮味非常濃郁, 搭配左一隻溫泉蛋，蛋漿令闊條麵更加creamy，麵嘅質地亦係恰到好處，確係惹人喜愛❤️安格斯牛小排～牛小排已經係非常鬆化，搭配濃厚醬汁同香滑嘅薯蓉，幾種滋味融入口中，齒頰留香😋以豐盛嘅晚餐而言，呢個價錢絕對抵食，而且質量高，環境亦都坐得舒適，不知不覺消磨左幾個小時，非常享受😎