半糖主義 (Changed Hand) New Restaurant

自從有堅尼地城地鐵站，西環就成為食市熱點，而我都約朋友去多咗，今晚喺西環食完泰國菜，覺得仲未夠喉，即刻諗到去西環食糖水，我鍾意食中式糖水，朋友鍾意食西式甜品，行吓行吓就見到呢間叫半糖主義，呢間中西合璧嘅甜品餐廳，即刻有衝動想入去試吓。餐廳叫半糖主義，原來佢哋係用日本嘅半稀糖，係健康糖分一種，咁我女仔來講食都冇咁多罪惡感。朋友二話不說已經諗好食乜嘢，佢揀咗個士多啤梨窩夫陪雲呢拿雪糕，而我比較抽象，中式甜品好多款選擇，最後我揀咗個滋潤嘅桃膠燉奶。先上咗我個碗塗膠燉奶，用完中鮮奶去燉，奶味濃郁，桃膠係桃樹嘅植物膠質，有養顏作用，冬天食特別滋補。雖然我唔係咁好西式甜品，但見到士多啤梨窩夫配雪糕擺放得好靚，好有水準，窩夫即制，外脆內軟，配埋雪糕，一冷一熱，朋友讚不絕口。特別一提半糖主義夜晚超多人，我嗰晚都等左半個鐘至有位啊。