Video
Read full review
2019-10-23
3991 views
每次食日本野都抱住試新嘢同埋一個學嘢既心態。今次揀左呢間係西環水街已經屹立兩年幾既小店食Omakase。呢度既Omakase同平時係餐廳食既唔同，係比個心目中既價錢師傅，師傅就會用最時令既食材準備符合呢個價錢既食物。呢度Omakase最低消費$600，今日我地定既預算係$750/位。呢度係一個師傅同一個侍應一腳踢，師傅每次係自己整完自己做埋上菜，仲每道菜都詳盡介紹，絕對啱曬我呢啲想學嘢既人！<前菜>草潰海草，北海道產，上面有珊瑚蓉，浸係醋入面，口感軟滑，比中華沙律軟超多，但又稍微比昆布硬身。酸酸地好開胃。酥炸蝦，大分縣產，成隻食得架，炸完啲殼好脆口（小心係口入面比吉親哈哈），再咬多兩下就食到蝦肉。九州走地雞溫泉蛋，個蛋黃係溫泉蛋既軟綿綿口感，出面就係啲冷麵汁同蛋白液。成個送入口就夠曬爽！真蠔，岩手縣產，加啲蘿蔔蓉同酸汁。味道鮮甜creamy，海水味唔太重，啱曬怕海水腥味既人。手釣池魚，原來魚如果係用魚桿釣，啲肉係會實啲，油分更鎖足。因為用魚網抓，啲魚會係網中互相撞擊，就無咁好食喇。有厚切同薄切。薄切，可以加九州蔥同酸汁。厚切，可以加豉油加芥末。池魚都係口感比較緊實爽口，
<前菜>
草潰海草，北海道產，上面有珊瑚蓉，浸係醋入面，口感軟滑，比中華沙律軟超多，但又稍微比昆布硬身。酸酸地好開胃。
酥炸蝦，大分縣產，成隻食得架，炸完啲殼好脆口（小心係口入面比吉親哈哈），再咬多兩下就食到蝦肉。
九州走地雞溫泉蛋，個蛋黃係溫泉蛋既軟綿綿口感，出面就係啲冷麵汁同蛋白液。成個送入口就夠曬爽！
真蠔，岩手縣產，加啲蘿蔔蓉同酸汁。味道鮮甜creamy，海水味唔太重，啱曬怕海水腥味既人。
手釣池魚，原來魚如果係用魚桿釣，啲肉係會實啲，油分更鎖足。因為用魚網抓，啲魚會係網中互相撞擊，就無咁好食喇。
有厚切同薄切。薄切，可以加九州蔥同酸汁。厚切，可以加豉油加芥末。池魚都係口感比較緊實爽口，味道方面加上調味就更出喇。
秋刀魚，本身有腥味所以要用薑癖腥。落左少少薑蓉就已經達到效果，口中就只剩濃烈既魚味。
島池魚，九州產。同池魚既分別就係島池魚係深海魚，味道較濃。口感爽口油潤。
油甘魚，鹿兒島產。部位接近腩位，一樣爽口，油潤份感覺更重。
足籤魚，長崎縣產。火炙過後油分出曬黎！黎到已經飄來陣陣油香。肉身較鬆軟。
吞拿魚赤身，九州產。有海鹽係上面，唔需要豉油已經味道十足。
海膽墨魚卷，中間包住既係北海道海膽同紫蘇葉。外面爽口入面creamy，感覺似食夾心糖，口感豐富，
大拖羅。吞拿魚最高脂肪比例既部份，魚油更重，比較多筋所以同時幾有咬口。
天婦羅軟殼蟹牛油果沙律。牛油果量唔算多，預拌沙律醬。天婦羅夠酥脆，炸皮夠薄。
京道產娟豆腐。浸住甜豉油。脆脆既外皮下面係超滑溜既豆腐。
<主菜>
黎到主菜既部份，係燒牛腹腔，只有1-2成熟，感覺似食牛刺身，上面有黑椒，點啲海鹽同芥末籽調味，味道更上一層樓。
<甜品>
分別係豆腐雪糕，柚子蛋糕，朱古力布朗尼，雪糕軟綿，豆腐味重唔死甜。柚子蛋糕有cream cheese所以口感creamy，口感似紐約同日本cheese cake中間。朱古力布朗尼唔係平時咁硬，比較鬆化軟腍。
呢度係西環難得既隱世日本料理。取用食材以性價比為先，所以感覺呢餐食左好多好多嘢都平出面好多。
Post
