Video
Read full review
2017-08-18
1955 views
自從堅尼地城線開通之後，西環開左好多餐廳，令到我呢個西區之友都多左好多選擇！如果住得遠，特登黎西環食飯既朋友，建議可以起西環睇完日落先🌄，如果好彩仲可以影到天空之鏡！之後可以慢慢起海旁行一陣🌊，行到攰就去食野就啱啱好！今次介紹既餐廳起厚和街，( 起西環海旁附近)厚和街都有好多餐廳，大家可以explore 下！！！Tapaella grill 係一間西班牙餐廳，唔係好大，大概坐到20個人，餐廳燈光較暗，佈置亦唔錯，雖然枱與枱距離有啲窄，但係整體氣氛好浪漫，適合二人世界，或者慶祝都👌🏻今次同同事farewell ，一行有8個人，一早book 定位！頭盤: Ensalada de valencia 雜菜水牛芝士沙律~ $ 100同一般salad 差不多，不過份量夠，有啲生果用上黑醋調味，好開胃Pinchos morunos iberico 串燒黑毛豬 ~$ 100/2串黑毛豬燒完都唔會好乾，有其他配料加埋感覺無咁單調，不過青椒燒完就有啲乾，可能因為太細粒簡單既香草調味，無一般串燒醬汁既油腻感西班牙奄列好普通，無咩特別Gambas Al Ajillo O Pil Pil 蒜片煎蝦 ~$ 100
令到我呢個西區之友都多左好多選擇！
如果住得遠，特登黎西環食飯既朋友，建議可以起西環睇完日落先🌄，如果好彩仲可以影到天空之鏡！
之後可以慢慢起海旁行一陣🌊，行到攰就去食野就啱啱好！
今次介紹既餐廳起厚和街，( 起西環海旁附近)
厚和街都有好多餐廳，大家可以explore 下！！！
Tapaella grill 係一間西班牙餐廳，唔係好大，大概坐到20個人，餐廳燈光較暗，佈置亦唔錯，雖然枱與枱距離有啲窄，但係整體氣氛好浪漫，
適合二人世界，或者慶祝都👌🏻
今次同同事farewell ，一行有8個人，一早book 定位！
頭盤: Ensalada de valencia 雜菜水牛芝士沙律
~ $ 100
同一般salad 差不多，不過份量夠，有啲生果
用上黑醋調味，好開胃
Pinchos morunos iberico 串燒黑毛豬 ~$ 100/2串
黑毛豬燒完都唔會好乾，有其他配料加埋感覺無咁單調，不過青椒燒完就有啲乾，可能因為太細粒
簡單既香草調味，無一般串燒醬汁既油腻感
西班牙奄列
好普通，無咩特別
Gambas Al Ajillo O Pil Pil 蒜片煎蝦 ~$ 100
原本得7隻蝦，侍應知道我地有八個人，主動問我地加唔加多隻！
一出黎，已經👃🏻到好香既牛油同蒜片味！🤤
蝦肉好爽，夠多蒜味，加埋一齊食好香👍🏻
白酒煮青口
青口size 屬細粒，不過肉質鮮甜
白酒味較弱，唔係好食得出
Paella marinera 西班牙海鮮飯 ~$300
食西班牙菜點可以唔食西班牙海鮮飯！
就咁望嗰樣，色彩繽紛，已經覺得好吸引！
味道唔錯，不過就無話好驚喜咁
份量好大，多啲人一齊食會好啲，
如果得兩個人，怕食完呢個食唔落其他野！
西班牙烤乳豬
同一般西式乳豬差不多，個人唔係好鐘意呢款乳豬皮😛
不過豬肉夠嫩滑
可能我地太多人，所以覺得份量有點細😅
我地叫左個sangria 既水果酒，水果夠足料，酒味唔係太濃，好易入口，連平時唔飲酒既同事都覺得好好飲😂
PS:
建議book 定位，因為座位較少🤗
依我所見，服務員都係得2個，不過服務唔錯，好貼心: ❤️
1. 有個同事遲黎，似係經理或者係老闆既人主動問洗唔洗整番熱啲野食！
2. 個蝦原本得7隻，佢知我地有8個人，所以主動問我地加多一隻好無！！！
🙇🏻♀️今次用餐嗰陣唔記得記低啲價錢，所以都係靠我既記憶俾個大概既價錢大家當參考，請多多見諒😜
Post
