濤 (Closed)

叮叮講左好耐，依度既食物有一定既質素。如果唔係就唔會係西環屹立至今。今個星期日，終於有機會試到佢既午市定食。花多眼亂，但偏愛魚生。五人行，四個角切魚生飯，三個食紅豆雪糕，兩個係肥妹仔，一個就玩特別食三六魚魚生飯。大家請睇睇，濤既定食非常正宗，有前菜中華沙律、燉蛋同麵豉湯。一間好有心思既餐廳，燉蛋有白果，個人覺得解膩。又有清甜既果香。角切魚生飯(6/5)********細節位依然有，有醃黃瓜、酸薑。青瓜、玉子同其他魚生比例非常好，魷魚、八爪魚又有。食材新鮮既得宜。相比其他餐廳會加希靈魚，但由於醋飯帶酸，會令口感唔好。但濤就令角切魚生飯昇華到另一層次。帶甜既魚鮮，如果鍾意食魚生既人，一定要試。紅豆雪糕，牛奶味重。滿足！一定會再黎試唔同菜色。今次係同埋叮叮屋企人食，好難忘，除左同家人一齊聚餐，依度所有既食物都好同我心意，好難忘呀。(下次我地偷偷再來)