Deer Coffee

Open Now

Now Closed

超過10年沒有嚟西貢，今次專登入嚟行下，順便去Deer cafe朝聖吓。餐廳佈置得好有渡假feel，嚟食過午餐hea吓，超正👍午餐有幾款套餐，可以配飲品，嗌咗白汁煙三文魚意粉，蜜汁雞扒沙律，薯條配黑松露醬，飲品叫咗orange juice同埋Ice English breakfast tea 。天氣咁熱嚟返杯凍飲，咪話唔正，飲品正正常常冇乜特別。白汁煙三文魚意粉，上枱時熱辣辣，每一條意粉都沾上白汁好惹味，三文魚都好新鮮，真心好好食😋雞扒沙律，雞肉超嫩滑，一啲都唔鞋口，加上沙律菜好fresh，同雞肉超夾，配上芝麻醬仲好食冇得輸🤩👍👍👍薯條剛剛炸好配上黑松露醬，味道突出，好食到停唔到口。總括呢間小店，睇得出廚師用心煮食，每一個菜式上枱時都擺得好靚，可以達到色香味俱全效果，最後值得一讚係小店係免收加一，值得推介。