Video
Read full review
2021-03-13
154 views
我地3個學生因為要一齊做功課就諗住求其搵間cafe坐下，開頭見到個裝修都幾靚，都諗住應該唔平，都可能叫杯野飲就算，點知睇真啲個餐牌，啲野食都唔貴就坐低食下嘢，真係超有驚喜！難得唔會出食評嘅我都忍唔住要大大力支持呢間隱世cafe！白菌卡邦尼意粉 - 大大碟又平又好食！意粉硬度啱啱好，卡邦尼醬汁係忌廉同芝士味重啲，冇乜蛋黃味，啲配料同汁又係爆多🤣食曬啲意粉都仲有啲煙肉同蘑菇係碟食唔曬，又係性價比超高之選🤣🤣lunch set跟埋野飲都係$60，真係抵到傻咗😍小食拼盤（薯絲蝦、網紙春卷、忌廉蟹肉薯餅、香茅魚餅、芝士年糕） - 我地同行三個人諗住食完正餐再叫啲嘢食下chill下～拼盤完全解決我地選擇困難嘅煩惱🤣本身都有啲驚會唔會唔夠分，咁多款每款都有2件，total都有10件！作為三個人食啲小食嚟講真係好夠，我地最鍾意係個薯絲蝦同埋芝士年糕，呢兩款都比想像中出色，全部都食得出新鮮炸起熱辣辣，薯絲蝦外層超酥脆，中間包住大大隻蝦，到依家都仲回味緊🤣芝士年糕外脆內軟，勁煙韌，加埋芝士勁邪惡😈😈其他就不過不失，都幾好食～安格斯牛肉竹炭漢堡配黑松露醬及薯條 - 漢堡份量好足，我地三個人share每個人都
白菌卡邦尼意粉 - 大大碟又平又好食！意粉硬度啱啱好，卡邦尼醬汁係忌廉同芝士味重啲，冇乜蛋黃味，啲配料同汁又係爆多🤣食曬啲意粉都仲有啲煙肉同蘑菇係碟食唔曬，又係性價比超高之選🤣🤣lunch set跟埋野飲都係$60，真係抵到傻咗😍
小食拼盤（薯絲蝦、網紙春卷、忌廉蟹肉薯餅、香茅魚餅、芝士年糕） - 我地同行三個人諗住食完正餐再叫啲嘢食下chill下～拼盤完全解決我地選擇困難嘅煩惱🤣本身都有啲驚會唔會唔夠分，咁多款每款都有2件，total都有10件！作為三個人食啲小食嚟講真係好夠，我地最鍾意係個薯絲蝦同埋芝士年糕，呢兩款都比想像中出色，全部都食得出新鮮炸起熱辣辣，薯絲蝦外層超酥脆，中間包住大大隻蝦，到依家都仲回味緊🤣芝士年糕外脆內軟，勁煙韌，加埋芝士勁邪惡😈😈其他就不過不失，都幾好食～
安格斯牛肉竹炭漢堡配黑松露醬及薯條 - 漢堡份量好足，我地三個人share每個人都分到唔少。安格斯牛肉好厚好juicy，加埋咁多層配料一啖食落去超滿足！不過有少少美中不足係黑松露醬就係有啲淡，但係整體嚟講都好滿意🥰❤️好飽肚！薯條係厚切個款，食得出係新鮮炸。
忌廉蟹肉意粉 - 意粉硬度適中，忌廉汁同配料都比得好大方，超豐富，啖啖意粉都會食到蟹肉同菇，呢個價錢真係性價比超高！好推薦！
榛子泡沫朱古力 - 跟餐+15 好抵飲！原本以為細細杯，點知嚟到都幾大杯，好值得加少少錢轉！
Post
