正中大排檔

Open Now

Now Closed

今日和朋友去完行山，順便落筲箕灣食下午茶，朋友話去食「正宗大牌檔」，我就話「乜有唔正宗既咩?」，原來係講緊「正中大牌檔」，哈哈！去到門口感覺有點親切，因為我好似好耐之前呢頭食過類似的粉麵。我哋來到都已經係下午茶接近晚飯時間，人唔多由於成大半日冇食過，我地都叫左好幾樣野食1. 厚西多士，都真係幾厚，味道都唔錯，唔會炸得太燶。2. 炸雲吞，剛炸起熱辣辣點埋個甜辣醬食真係一流，雲吞入面都真材實料，每隻都有蝦喺入面，一樣都唔會炸得太燶，剛剛好。3. 朋友叫左碗四寶河，份量都幾多，佢最欣賞雲吞同牛丸，牛丸入面有黑椒，又彈牙。4. 我叫左切腩四寶撈粗，我最欣賞個切腩，有牛味又淋，同埋雲吞都好好味。5. 最後就係飲品，朋友要了熱檸樂煲薑，我就想試消脂青檸，其實係青檸梳打，都幾好飲。可能太肚餓，我地全部清哂，一件不留，下次行過東大街都會再來。