Video
Read full review
2023-03-27
47 views
一直以為酒店入面嘅餐廳係貴夾唔飽，但見到呢間嘅menu價錢好親民就去咗一試🥢M5和牛火車頭湯河生牛河材料好豐富，除咗生牛肉之外仲有牛展、牛丸、牛柏葉同牛筋。牛肉果然係和牛，入口非常軟滑，牛筋入味+炆到好淋、牛柏葉非常有驚喜，見到佢白雪雪但原來好有牛湯味，牛丸爽彈，湯底濃牛骨味但飲完唔口渴，份量仲十分大，非常推薦👍🏻牛油雞翼雞翼勁大隻，面頭乾身，碟底唔冧油，真係做到外脆內嫩，擺咗一陣最後食返都仲脆身👍🏻豬頸肉撈檬份量都係好多，如果一個女仔應該食唔哂，豬頸肉爽口，香口有炭燒味，撈檬個汁偏甜，個人希望佢可以酸少少😛芒果糯米飯糯火飯分成5份好方便，椰汁嘅份量啱啱好，而且甜度適中，朋友麻麻地甜品，我一個人食咗4舊都唔會漏😋overall性價比好高，一開始冇預到份量咁多所以嗌多咗，兩個人食到勁飽都係$600埋單，正常嚟講兩個人應該$500樓下就ok。呢個價錢食酒店質素嘅食物真係非常抵，推薦大家嚟試吓👍🏻ps 餐廳員工好nice，服務非常殷勤，好想喺度表揚一下佢哋🙏🏻
M5和牛火車頭湯河
生牛河材料好豐富，除咗生牛肉之外仲有牛展、牛丸、牛柏葉同牛筋。牛肉果然係和牛，入口非常軟滑，牛筋入味+炆到好淋、牛柏葉非常有驚喜，見到佢白雪雪但原來好有牛湯味，牛丸爽彈，湯底濃牛骨味但飲完唔口渴，份量仲十分大，非常推薦👍🏻
牛油雞翼
雞翼勁大隻，面頭乾身，碟底唔冧油，真係做到外脆內嫩，擺咗一陣最後食返都仲脆身👍🏻
豬頸肉撈檬
份量都係好多，如果一個女仔應該食唔哂，豬頸肉爽口，香口有炭燒味，撈檬個汁偏甜，個人希望佢可以酸少少😛
芒果糯米飯
糯火飯分成5份好方便，椰汁嘅份量啱啱好，而且甜度適中，朋友麻麻地甜品，我一個人食咗4舊都唔會漏😋
overall性價比好高，一開始冇預到份量咁多所以嗌多咗，兩個人食到勁飽都係$600埋單，正常嚟講兩個人應該$500樓下就ok。呢個價錢食酒店質素嘅食物真係非常抵，推薦大家嚟試吓👍🏻
ps 餐廳員工好nice，服務非常殷勤，好想喺度表揚一下佢哋🙏🏻
Post
